មេដឹកនាំផ្តាចការកូរ៉េខាងជើង គីម ជុងអ៊ុន បាននិយាយថា ៖ ខ្លួនមានប៉ូតុងនុយក្លេអ៊ែរនៅលើតុរបស់គាត់ ដែលអាចចុចឲ្យបាញ់នុយក្លេអ៊ែរបានគ្រប់ពេលវេលា ដូច្នេះ អាមេរិចនឹង មិនអាចបង្កើតសង្គ្រាមបាននោះទេ។ នេះបើតាមការចេញផ្សាយរបស់ BBC នៅមុននេះបន្តិច។
នៅក្នុងការថ្លែងក្នុងទូរទស្សន៏ លោកគីម និយាយថា អាវុធនុយក្លេអ៊ែររបស់កូរ៉េខាងជើងអាចបាញ់ដល់ទឹកដីអាមេរិចទាំងមូល។ មេដឹកនាំវ័យក្មេងនេះបន្ថែមថា “នេះគឺជាការពិត មិន មែជាការគំរាមនោះទេ”។
គីម ជុងអ៊ុនក៏បានលើកឡើងថា គាត់បើកចំហរសំរាប់កិច្ចចរចារជាមួយនឹងប្រទេសកូរ៉េខាងត្បូង។
សំរាប់ឆ្នាំ ២០១៨នេះ គីម ជុងអ៊ុនថ្លែងបញ្ជាក់ថា នឹងផ្តោសំខាន់លើកម្មវិធីនុយក្លេអ៊ែរ ហើយប្រទេសរបស់លោកនឹងផលិតក្បាលគ្រាប់នុយក្លេអ៊ែរ និងមីស៊ីឆ្លងទ្វីប ព្រមទាំងពន្លឿង ការដាក់ពង្រាយអាវុធទាំងនោះ។
លោកថ្លែងទៀតថា ទំនាក់ទំនងរវាងកូរ៉េខាងជើង និងកូរ៉េខាងជើង (សព្វថ្ងៃកំពុងប្រឈមដាក់គ្នាយ៉ាងខ្លាំង) អាចនឹងធូរស្រាលឡើងក្នុងឆ្នាំថ្មីនេះ។
“ឆ្នាំ ២០១៨គឺជាឆ្នាំដ៏សំខាន់សំរាប់ប្រទេសកូរ៉េខាងជើង និងកូរ៉េខាងត្បូង ដោយឆ្នាំនេះជាខួបលើកទី ៧០នៃការបង្កើតកូរ៉េខាងជើង ចំនែកកូរ៉េខាងត្បូងវិញធ្វើជាម្ចាស់ផ្ទះកីឡាអូឡាំពិ ចរដូវរងា”។
លោកថ្លែងបន្តថា លោកនឹងពិចារណាបញ្ជូនគណប្រតិភូទៅចូលរួមកីឡាអូឡាពិចក្នុងខេត្ត Pyeongchang របស់ប្រទេសកូរ៉េខាងត្បូង ក្នុងខែកុម្ភៈ។ ការថ្លែងបែបនេះរបស់មេដឹកនាំ កូរ៉េខាងជើង ជាកាយវិការដែលកូរ៉េខាងត្បូងចង់បាន។
លោក គីម ថ្លែងដូច្នេះថា “ការចូលរួមរបស់កូរ៉េខាងជើងក្នុងកីឡាអូឡាំពិចរដូវរងានឹងក្លាយជាឱកាសសំរាប់ការបង្ហាញពីការរួបរួមគ្នារបស់ប្រជាជន ហើយពួកយើងសូមជូនពរឲ្យ កីឡាទាំងអស់ទទួលបានជោគជ័យ”។
“មន្ត្រីពីប្រទេសកូរ៉េទាំងពីរនឹងជួបគ្នា ដើម្បីពិភាក្សាលើបញ្ហាការចូលរួមកីឡានេះ”៕ សុភ័ក្ត្រ