ប៉ោយប៉ែត ៖ ក្នុងបេសកម្មចុះតាមបណ្ដាខេត្តតាមដានការអនុវត្តច្បាប់របស់មន្ត្រីមូលដ្ឋាន និងពិនិត្យពាក្យបណ្ដឹងពលរដ្ឋ នៅថ្ងៃទី ៩ ខែកក្កដានេះ លោក វិល្លាម បានធ្វើដំណើរទៅខេត្ត សៀមរាប និងឆ្ពោះទៅប៉ោយប៉ែត ។
ហើយអ្វីដែលធ្វើឲ្យលោកប្រធានគណបក្សខ្មែរក្រោក្ដ និងជាសមាជិកឧត្តមក្រុមប្រឹក្សាពិគ្រោះ និងផល់យោបល់ ឆេះដុំនោះគឺ នៅខេត្តនេះតែម្ដង ដែលជាខេត្តមួយស្ថិតក្នុងព្រះរាជាណាចក្រកម្ពុជា ប៉ុន្តែបែរជាកន្លែងហាត់ប្រាណមួយកន្លែង មិនទទួលយកលុយរៀលខ្មែរឡើយ គឺទទួលយកតែលុយបាតថៃទៅវិញ។
នេះបើតាមលោកវីល្លាម បានសរសេរលើហ្វេសប៊ុកផ្លូវការ បានឲ្យដឹងថា ៖ ទេីបជួបផ្ទាល់ ល្ងាចមិញ (៩កក្កដា) ហាត់ប្រាណ នៅក្លឹបហាត់ប្រាណមួយឈ្មោះ Fino Fitness នាក្រុងប៉ោយប៉ែត សួរថាម្នាក់ម៉ាន គេថា ១៥០បាត ! រកអោយលុយ គេថាគេយកតែលុយបាតទេ គេដេញអោយយេីងយកលុយទៅដូរទៅ ។
លោក ស្នើឲ្យ អាជ្ញាធររូតរះចុះទៅណែនាំផង បេីអ្នកណាស្អប់ខ្ពេីមលុយខ្មែរដល់ម្លឹងអោយគាត់វេចកន្លែងរកស៊ីគាត់ទៅរកស៊ីនៅថៃចុះ លេីអធិបតេយ្យភាពរបស់ខ្មែរ បែរជាអត់ទទួលលុយខ្មែរ។
ករណីនេះពលរដ្ឋបានដឹងទូទៅ តែមិនដឹងថាអាជ្ញាធរបានដឹងឬអត់ ? ឬធ្វេីមិនដឹង ។ រឿងបែបហ្នឹងវាមានយូរហេីយ ល្មមដុះក្អែលខ្លះទៅបេីរឿងប៉ុណ្ណឹងធ្វេីមិនបានមិនបាច់កាន់តំណែងទេចុះចេញអោយអស់ទៅ អោយពួកឈ្មួញនឹងមកកាន់តំណែងម្ដងមក៕ ដោយ៖កូឡាប