ឧត្តមសេនីយជាន់ខ្ពស់ម្នាក់របស់អាមេរិច បាននិយាយថាអាមេរិចចង់បង្កើតសម្ព័ន្ធយោធាអន្តរជាតិ
ដើម្បីការពារទៅដល់ការធ្វើជំនួយនៅដែនទឹកក្បែរប្រទេសអ៊ីរ៉ង និងយេមែន។
លោកឧត្តមសេនីយ Joseph Dunford បានធ្វើការបញ្ជាក់ថា គាត់ចង់ធានាឲ្យមានសេរីភាពនៃការធ្វើនាវាចរណ៍នៅក្នុងតំបន់ ដែលផ្តល់ផ្លូវសម្រាប់ធ្វើជំនួញដ៏សំខាន់។
លោកបញ្ជាក់ថា អាមេរិចកំពុងតែពិភាក្សាជាមួយនឹងប្រទេសជាច្រើន ដែលមានឆន្ទៈនយោបាយក្នុងការគាំទ្រគម្រោងនោះ។
លោកបន្ថែមទៀតថាអាមេរិចនឹងផ្តល់ការគ្រប់គ្រង និងបញ្ជាកប៉ាល់ ប៉ុន្តែប្រទេសទាំងអស់ត្រូវផ្តល់ទូកសម្រាប់បម្រើដល់ការយាមកាមលើការធ្វើនាវាចរណ៍របស់កប៉ាល់។
ការផ្តួចផ្តើមរបស់អាមេរិចក្នុងការបង្កើតដែនទឹកសុវត្ថិភាពសម្រាប់ការធ្វើនាវាចរណ៍របស់កប៉ាល់ដឹក
ទំនិញនេះ កើតឡើង ក្រោយពេលមានការវាយប្រហារទៅលើកប៉ាល់ដឹងប្រេងចំនួន ២គ្រឿងនៅឈូងសមុទ្រអូម៉ង កាលពីខែមុន។
អាមេរិចបានចោទប្រកាន់ថាជាអ្នកនៅពីក្រោយការវាយប្រហារលើកប៉ាល់ដឹងប្រេងទាំងពីរនោះ ប៉ុន្តែត្រូវបានអ៊ីរ៉ងបដិសេធ។
ប៉ុន្មានថ្ងៃក្រោយមក យន្តហោះដ្រូនរបស់អាមេរិច ត្រូវបានបាញ់ទម្លាក់ដោយយោធាអ៊ីរ៉ង ដោយអ៊ីរ៉ងចោទថា បានហោះចូលដែនអាកាសរបស់ខ្លួន ខណៈដែលអាមេរិចវា យន្តហោះគ្មានមនុស្សបើកនោះ ហោះនៅដែនអាកាសអន្តរជាតិ៕ អត្ថបទប្រែសម្រួលដោយ៖ សុភ័ក្រ។ ប្រភព៖ BBC
