បន្ទាយមានជ័យ៖ នៅថ្ងៃ ទី 10 ខែ កក្កដា ឆ្នាំ ២០១៩ នេះ សាមជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោក លោកវីល្លាម បានចុះពិនិត្យ ២ ករណីតបតាមកិច្ចសុំអន្តរាគមន៍របស់ពលរដ្ឋ នៅខេត្ត បន្ទាយមានជ័យ ដែលរួមមាន ៖
១. ករណីតំណាងពលរដ្ឋ ៣១០គ្រួសារ ឈ្មោះ កែវ យ៉យនិង ហ៉ឹម យឺន រស់នៅ មកពីចំណុច ៦៧១ និងចំណុច បឹងជង្រុក ឃុំទួលពង្រ ស្រុក ម៉ាឡៃ ខេត្តបន្ទាយមានជ័យ ដែលបានប្ដឹង រដ្ឋបាលស្រុក រដ្ឋបាលខេត្ត ប្រេីអំណាចគាបសង្កត់ ដែលអនុវត្តន៍បញ្ច្រាស់ សជណ របស់ទីស្ដីការគណៈរដ្ឋមន្ត្រី យោងតាមចំណារសម្ដេចលេខ ៩០៦ ដែលមានគោលការណ៍ ផ្ដល់ដីឲ្យពួកគាត់ ជាគ្រួសារពលី និងយោធិនពិការ ជាពិសេសអាជ្ញាធរខេត្តថែមទាំងបង្កេីត សជណ ថ្នាក់ខេត្តខ្លួនឯង មកអនុវត្តន៍បំពានពីលេី សជណ ថ្នាក់ជាតិបន្ថែមទៀត។
២. ករណីពលរដ្ឋឈ្មោះ សំ សារ៉ាន់ នៅភូមិសុខសាន្ន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ដែលបានប្ដឹងមន្ត្រីមូលដ្ឋានឈ្មោះ រី សុវណ្ណ និងអឿន សុជា ដែលបានឃុបឃិត លួចយកដីស្រែរបស់គាត់ លក់ឲ្យឈ្មួញ និងគម្រាមកំហែងជេរប្រមាថ ដល់គាត់ជារៀងរាល់ដង ។
លោកវីល្លាម បានថ្លែងថា ករណីទាំងនេះ មិនត្រឹមជាករណីវិវាទដីធ្លីទេ តែជាការឆ្លុះបញ្ជាំង រាល់ភាពអសកម្មក្នុងការអនុវត្តច្បាប់របស់មន្ត្រីមូលដ្ឋាន អំពេីពុករលួយ អំពេីឃុបឃិតការរំលោភ បំពានលិខិតបទដ្ឋានគតិយុត្តិថ្នាក់ជាតិ និងជាការគាបសង្កត់សិទ្ធិពលរដ្ឋជាដេីម បន្ទាប់ពីសិក្សារួចសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ប្រមូលតម្រុយជាមូលដ្ឋាន ឈានដល់ការដាក់របាយការណ៍ ជូនសម្ដេចតេជោ តាមនីតិវិធី ដេីម្បីឲ្យលោកពិនិត្យសម្រេច ៕ ដោយ៖កូឡាប