កប៉ាក់ចំនួន ៥គ្រឿងរបស់ប្រទេសអ៊ីរ៉ង់ ព្យាយាមចាប់កប៉ាល់ដឹកប្រេងរបស់អង់គ្លេសនៅក្បែរឈូងសមុទ្រពែក្ស ប៉ុន្តែត្រូវបរាជ័យ ដោយកប៉ាល់កងទ័ពជើងទឹករបស់អង់គ្លេសបានដេញកប៉ាល់ទាំងនោះឲ្យចេញឆ្ងាយ។ នេះបើតាមការបញ្ជាក់របស់អ្នកនាំពាក្យរដ្ឋាភិបាលអង់គ្លេស។
កប៉ាល់ដឹងប្រេងអង់គ្លេសឈ្មោះ British Heritage បានធ្វើដំណើរចេញពីឈូកសមុទ្រពែក្យ និងកំពុងតែឆ្លងកាត់តំបន់ដែនទឹក Hormuz កន្លែងដែលត្រូវកប៉ាល់អ៊ីរ៉ង់តាមចាប់។ កងកម្លាំងអ៊ីរ៉ង់នៅលើកប៉ាលបញ្ជាឲ្យកប៉ាល់ដឹកប្រេងនោះប្តូរទិសដៅ និងឈប់នៅក្បែរដែនទឹករបស់អ៊ីរ៉ង់។
ប៉ុន្តែកប៉ាល់អង់គ្លេសឈ្មោះ HMS Montrose បានបើកតាមពីក្រោយកប៉ាល់ដឹកប្រេង។ កប៉ាល់កងទ័ពជើងទឹកអង់គ្លេសបានបែរកាណុងកាំភ្លើងដាក់បប៉ាល់អ៊ីរ៉ង់ និងបានព្រមានឲ្យពួកគេចេញអោយឆ្ងាញ។
អ្នកនាំពាក្យរដ្ឋាភិបាលអង់គ្លេសបានហៅសកម្មភាពរបស់អ៊ីរ៉ង់ថាជាទង្វើផ្ទុយនឹងច្បាប់អន្តរជាតិ។
អ៊ីរ៉ង់បានធ្វើការគំរាមថានឹងធ្វើការសងសឹកវិញ ចំពោះការចាប់កប៉ាល់ដឹកប្រេងមួយគ្រឿងរបស់ខ្លួន កាលពីសប្តាហ៍មុន។
បើតាមប្រព័ន្ធផ្សព្វផ្សាយអាមេរិច ដែលដកស្រងសម្តីមន្ត្រីអាមេរិចបានឲ្យដឹងថា កប៉ាល់ ៥គ្រឿងនោះត្រូវបានគេជឿជាក់ថាជាកប៉ាល់របស់កងកម្លាំងបដិវត្តន៍អ៊ីរ៉ង់។
សូមបញ្ជាក់ថា កាលពីសប្តាហ៍មុន កងទ័ពជើងទឹកអង់គ្លេសបានជួយអាជ្ញាធរនៅតំបន់ Gibraltar ក្នុងការចាប់កប៉ាល់ដឹកប្រេងរបស់អ៊ីរ៉ង់ ដោយសារតែកប៉ាល់នោះធ្វើដំណើរឆ្ពោះទៅកាន់ប្រទេសស៊ីរី ដែលប្រឆាំងនឹងទណ្ឌកម្មរបស់អឺរ៉ុប៕
អត្ថបទប្រែសម្រួលដោយ៖ សុភ័ក្រ
ប្រភព់៖ BBC