ប្រទេសឥណ្ឌូណេស៊ី នឹងចាប់ផ្តើមធ្វើការសាងសង់ស្ពានឆ្លងសមុទ្រប្រវែង ៧គីឡូម៉ែត្រនៅឆ្នាំ ២០២០ខាងមុខ ដើម្បីភ្ជាប់កោះរបស់ខ្លួនទាំងពីរ ដែលស្ថិតនៅជិតប្រទេសសិង្ហបុរី ដែលគម្រោងសង់ស្ពានដ៏វែងនេះ គឺជាផ្នែកមួយនៃកិច្ចព្រមព្រៀង ដើម្បីអភិវឌ្ឍន៍វិស័យឧស្សាហ៍កម្ម និងទេសចរណ៍នៅលើកោះទាំងពីរនោះ។
ស្ពានឆ្លងសមុទ្រ ដែលនឹងធ្វើការភ្ជាប់កោះ Batam និង Bintan នឹងត្រូវចំណាយថវិកាចំនួន ២៨៥លានដុល្លា។ នេះបើតាមការបញ្ជាក់របស់មន្រ្តីជាន់ខ្ពស់ឥណ្ឌូណេស៊ី នៅថ្ងៃព្រហស្បតិ៍ម្សិលមិញនេះ។
ស្ពានខាងលើនឹងក្លាយជាស្ពានឆ្លងសមុទ្រដ៏វែងបំផុតនៅក្នុងតំបន់អាស៊ាន។ ការសាងសង់នឹងចាប់ផ្តើមក្នុងឆ្នាំ ២០២០ ហើយវាត្រូវប្រើពេលពី ៣ ទៅ ៤ឆ្នាំក្នុងការសង់៕ អត្ថបទប្រែសម្រួលដោយ៖ សុភ័ក្រ ។ ប្រភព៖ channelnewsasia