ករណីបង្ករបួសស្នាម ដែលបង្កឲ្យជនរងគ្រោះដាច់ម្រាមដៃអស់ចំនួន៣ បន្ទាប់អ្នកទាំងពីរ បានផឹកស្រាជាមួយគ្នា ហើយទំនាស់ពាក្យសម្តីទៅបង្កើតជាទំនាស់ ពេលនោះជនបង្កកាន់កាំបិត និងជនរងគ្រោះកាន់ពូថៅ ហើយត្រូវជនបង្កកាប់ចំម្រាមដៃ រួចរត់គេចខ្លួនបាត់។
សមត្ថកិច្ចស្រុកកែវសីមាឲ្យដឹងថា ហេតុការណ៍កើតឡើងនៅវេលាម៉ោង ១៥ និង ៣០នាទីថ្ងៃទី ១២ ខែកក្កដាឆ្នាំ ២០១៩ នៅចំណុចជិតអូរកូនព្រះ ស្ថិតក្នុងភូមិពូគង់ ឃុំស្រែព្រះ ស្រុកកែវសីមា ខេត្តមណ្ឌលគិរី។
ជនរងគ្រោះ ឈ្មោះ កែវ កេត ភេទប្រុសអាយុ ២៧ឆ្នាំ មានស្រុកកំណើតនៅភូមិជាធាច ឃុំដូង ស្រុករមាសហែក ខេត្តស្វាយរៀង រងរបួសដៃឆ្វេងដាច់ម្រាមដៃចំនួន៣។
ចំណែកជនបង្កឈ្មោះ កើត ទ្រេន ភេទប្រុស អាយុ ៤៧ឆ្នាំភេទប្រុស មានស្រុកកំណើតភូមិពោន ឃុំដូង ស្រុករមាសហែក ខេត្តស្វាយរៀង ។
មុនកើតហេតុ អ្នកទាំងពីរ បានផឹកស្រាជាមួយគ្នា ហើយមានទំនាស់ពាក្យសម្តី ពេលនោះជនបង្កកាន់កាំបិត និងជនរងគ្រោះកាន់ពូថៅ ហើយត្រូវជនបង្កកាប់ចំម្រាមដៃ ដែលកាន់ពូថៅនោះបណ្ដាលឲ្យដាច់ម្រាម ៣តែម្តង ។
សមត្ថកិច្ចបានបន្តទៀតថា នៅពេលកម្លាំងប៉ុស្តិ៍ បានចុះដល់កន្លែងកើតហេតុ ផ្ទះជនបង្កបានចាក់សោផ្ទះរត់គេចខ្លួនបាត់ ឯជនរងគ្រោះ ត្រូវបានបងប្អូនបញ្ជូនទៅកាន់មណ្ឌលសុខភាពកាបី ស្រុកស្នួល ខេត្តក្រចេះ ។ ករណីនេះ កម្លាំងនគរបាលប៉ុស្តិ៍ និងប្រជាការពារ កំពុងតែស្រាវជ្រាវតាមចាប់ខ្លួនជនដៃដល់៕ ដោយ៖បញ្ញាស័ក្តិ