មនុស្សយ៉ាងតិចណាស់ចំនួន ៩នាក់បានស្លាប់ និង ១២នាក់ផ្សេងទៀតរងរបួស ពេលក្មេងម្នាក់ត្រូវបានគេប្រើប្រាស់ដើម្បីបំផ្ទុះគ្រាប់បែកអត្តឃាតនៅក្នុងរោងការមួយកន្លែង ស្ថិតក្នុងភាគខាងកើតប្រទេសអាហ្គានីស្ថាន។
ការវាយប្រហារកាលពីថ្ងៃសុក្រម្សិលមិញនេះ កើតឡើងនៅក្នុងស្រុក Pachiragam ស្ថិតក្នុងខេត្ត Nangarhar។
អ្នកនាំពាក្យខេត្តខាងលើ បានបញ្ជាក់ថា ក្មេងម្នាក់ត្រូវបានគេប្រើប្រាស់ដើម្បីវាយប្រហារមេបញ្ជាការយោធាគាំទ្ររដ្ឋាភិបាល។
ក្រុមរដ្ឋអ៊ីស្លាម (IS) បានចេញមុខអះអាងថា វាគឺជាទំនួសខុសត្រូវរបស់ពួកគេ។
សូមបញ្ជាក់ថា នេះមិនមែនជាលើកដំបូងទេ ដែលក្រុមជ្រុលនិយមខាងលើ បានប្រើប្រាស់កុមារ ដើម្បីវាយបំផ្ទុះគ្រាប់បែកអត្តឃាត។
កាលពីដើមឆ្នាំនេះ ក្មេងស្រី ២នាក់ និងក្មេងប្រុសម្នាក់ នៅក្នុងរដ្ឋ Borno នៃប្រទេសស៊ីរី ត្រូវបានគេប្រើប្រាស់ដើម្បីបំផ្ទុះគ្រាប់បែក។ ចំណែកឆ្នាំមុន ក្មេងស្រី ២នាក់ អាយុ ៩ និង ១២ឆ្នាំ ក៏ត្រូវបានគេប្រើប្រាស់ដើម្បីវាយប្រហារទៅលើព្រះវិហារមួយផងដែរ ក្នុងប្រទេសឥណ្ឌូណេស៊ី៕ អត្ថបទប្រែសម្រួលដោយ៖ សុភ័ក្រ / ប្រភព៖ BBC
