ខេត្តស្វាយរៀង៖ លោក ជ័យ សុន អ្នកតំណាងរាស្ត្រមណ្ឌលខេត្តស្វាយរៀងនិងលោក ហូ វុទ្ធី ប្រធានក្រុមការងារចុះជួយសង្កាត់ព្រៃអង្គុញក្រុងបាវិតនៅព្រឹកថ្ងៃទី១៤ខែកក្កដាឆ្នាំ២០១៩នេះបាននាំនូវទៀនវស្សា និងទេយ្យទានគ្រឿងឧបភោគបរិភោគយកទៅប្រគេនជូន ដល់់់់់ព្រះសង្ឃចំនួន៣វត្តនៅក្នុងសង្កាត់ ព្រៃអង្គុញក្រុងបាវិត ខេត្តស្វាយរៀង។
ក្នុងឱកាសនោះដែរលោក ជ័យ សុន បានមានប្រសាសន៍លើកឡើងថា៖វិស័យព្រះពុទ្ធសាសនា បច្ចុប្បន្ននេះ មានការរីកចំរើន គួឱ្យកត់សំគាល់ ដើម្បីរួមចំណែក ក្នុងវិស័យពុទ្ធសាសនាជាមួយរាជរដ្ឋាភិបាល រូបលោកព្រមទាំងក្រុមការងារជារៀងរាល់ឆ្នាំ តែងតែនាំទេយ្យវត្ថុ និងទៀនវស្សា ប្រគេនជូនព្រះសង្ឃ ដែលកំពុងគង់ចាំព្រះវង្សាក្នុងវត្តចំនួន៣ទី១/ វត្តព្រៃអង្គុញ ទី២/វត្តមហានិគ្រោធការាមនិងទី៣/វត្តសាមគ្គីមុន្នីរ័ត្ន នៅក្នុងសង្កាត់ព្រៃអង្គុញ់ដែលស្រប ទៅតាមជំនឿប្រពៃណី របស់ប្រជាជនខ្មែរ ដែលជាអ្នកកាន់ព្រះពុទ្ធសាសនា តាំងពីដើមរៀងមក។
លោកបានបន្តទៀតថា៖សន្តិភាពដែលទទួលបានមកនេះ គឺមានតែគណបក្សប្រជាជនកម្ពុជា ដែលមានសម្តេចតេជោ ហ៊ុន សែន បានអភិវឌ្ឍន៍ប្រទេសជាតិពីបាទដៃទទេរ ដោយចាប់ផ្តើមកសាង និងជំរុញការអភិវឌ្ឍឱ្យមានការរីកចម្រើន ដោយមិនដែលភូតភរកុហក ដូចអ្នកនយោបាយប្រថុយប្រថានមួយចំនួននោះឡើយ ។
លោក ជ័យ សុន បានជំរុញអោយអាជ្ញាធរក្នុងមូលដ្ឋានត្រូវធ្វើយ៉ាងណាការពារសុខសុវត្ថិភាពជួនប្រពលរដ្ឋត្រូវការពារអោយបានល្អប្រសើរ។
ហើយប្រជាពលរដ្ឋត្រូវចេះការពារខ្លួន កុំឲ្យមូសខ្លាញីខាំតាមរយៈ ការដេកក្នុងមុង (ទាំងថ្ងៃយប់) ស្លៀកពាក់ខោអាវវែង មិនត្រូវអង្គុយ ឬសំរាកនៅកន្លែងដែលមិនមានពន្លឺគ្រប់គ្រាន់នោះទេ ហើយបើសង្ស័យថាកូនចៅមានកើតជង្ងឺគ្រុនឈាមត្រូវរូសរាន់ស្វែងរក សេវាថែទាំសុខភាព ដែលនៅជិតអ្នកបំផុត ដូចជា មណ្ឌលសុខភាព និងមន្ទីរពេទ្យ ក្នុងករណីក្រុមគ្រួសារណាម្នាក់ របស់អ្នកមានសញ្ញា ឬសញ្ញណជំងឺ ដូចជាក្ដៅខ្លួន (ក្ដៅខ្លួនខ្លាំងភ្លាមៗ ៣៩ អង្សាសេឡើង) និងសញ្ញាបន្ទាប់បន្សុំផ្សេងទៀត ដូចជា មុខក្រហម ឈឺក្បាល ឈឺក្រោមក្រឡង់ភ្នែក ឈឺសាច់ដុំ ឬសន្លាក់ ឈឺខ្លួន ស្នាមកន្ទួលក្រហមជាដើម ។
ទៀនវស្សានិងទេយ្យវត្ថុប្រគេនដល់ព្រះសង្ឃគង់ចាំព្រះវស្សា៣វត្តក្នុងស្រុកចន្ទ្រាទទួលបានក្នុងមួយវត្តទានវស្សា១គូគ្រឿងឧបភោគបរិភោគមួយចំនួននិងថវិការ៤សែនរៀល ព្រះសង្ឃក្នុងអង្គ ទទួលថវិកាចំនួន៤ម៉ឺនរៀល តាជីយាយជីប្រជាពលរដ្ឋទទួលបានថវិកាមួយចំនួន៤ម៉ឺនរៀលផងដែរ។
ក្នុងលោកជ័យ សុន អ្នកតំណាងរាស្ត្រមណ្ឌលខេត្តស្វាយរៀងនិងលោក ហូ វុទ្ធី ប្រធានក្រុមការងារបានជួយផ្ទាំងសូឡាចំនួន៥ផ្ទាំងនិងជួយបង្ហើយផ្លូវមួយខ្សែប្រវែង១០០ម៉ែត្រចំណាយថវិកាអស់៧០០០ដុល្លារផងដែរ ៕ ដោយ ៖ វ៉ៃកូ
