ខេត្តស្វាយរៀង ៖ លោកឧកញ៉ា ហូ វុទ្ធី ប្រធានក្រុមការងារថ្នាក់ជាតិចុះជួយសង្កាត់ព្រៃអង្គុញ ក្រុងបាវិត ខេត្តស្វាយរៀងនាព្រឹកថ្ងៃទី១៥ខែកក្តដាឆ្នាំ២០១៩ នេះបានមានប្រសាសន៍ថាៈប្រទេសកម្ពុជាក្រោមការដឹកនាំរបស់សម្តេចតេជោ ហ៊ុនសែន មិនអោយកើតមានឡើងនូវសង្គ្រាមមកលើកម្ពុជានោះទេគឺ មានសន្តិភាពនិងសណ្តាប់ធ្នាប់ល្អ ព្រមទាំងមានការអភិវឌ្ឍ លើគ្រប់វិស័យ។
លោកប្រធានក្រុមការងារបានមានប្រសាសន៍ដូច្នេះក្នុងឱកាសដែលលោកបានអញ្ជើញចុះសួរសុខទុក្ខដល់លោកគ្រូអ្នកគ្រូនិងជួបសំណេះសំណាលជាមួយសិស្សានុសិស្សសាលាបឋមសិក្សាប៊ុនរ៉ានីហ៊ុនសែនជីភូ ស្ថិតក្នុងសង្កាត់ច្រកម្ទេស ក្រុងបាវិត ខេត្តស្វាយរៀង។
លោកប្រធានក្រុមការងារក៏បានសំណូមពរដល់លោកគ្រូអ្នកគ្រូត្រូវមានស្មារតីខ្ពស់ក្នុងការអប់រំ បង្រៀនដល់ក្មួយៗអោយមានចំណេះដឹងខ្ពស់សក្កិសមជាទំពាំងស្នងឫស្សីសំរាប់អនាគតប្រទេសជាតិព្រោះប្រមុខរាជរដ្ឋាភិបាលបានចាត់ទុកវិស័យអប់រំជាវិស័យស្នូលរបស់ប្រទេសជាតិដូច្នេះសូមអោយក្មួយៗត្រូវខិតខំរៀនសូត្រក្រេបយកចំណេះវិជ្ជា ដើម្បីអាណាគតប្រទេសជាតិនិងអាគតខ្លួនឯងផងដែរ។
ក្នុងឱកាសលោកឧកញ្ញ៉ា ហូ វុទ្ធី បាននាំយកនូវអំណោយជាថវិកាជូនដល់លោកគ្រូអ្នកគ្រូ ចំនួន២៦នាក់ម្នាក់ៗទទូលបានថវិកា៤មុឺនរៀល សិស្សានុសិស្សចំនួន៨៩២នាក់ម្នាក់ៗទទូលបានថវិការ១មុឺនរៀល ក្រុមប្រឹក្សាសង្កាត់ចំនួន២នាក់ម្នាក់១០ មុឺនរៀលផងដែរ។
សូមបញ្ជាក់ផងដែរថា ៖ សាលាបឋមសិក្សាប៊ុនរ៉ានីហ៊ុនសែនជីភូត្រូវបានលោកឧកញ្ញ៉ាហូ វុទ្ធី បានជួយឧបត្ថម្ភថវិកា និងសម្ភារះយ៉ាងច្រើនធ្វើអោយសាលាបឋមសិក្សាប៊ុនរ៉ានីហ៊ុនសែនជីភូមានភាពស្រស់បំព្រងនាពេលបច្ចុប្បន្ន៕ ដោយ ៖ វ៉ៃកូ
