ខេត្តព្រះសីហនុ៖ សមត្ថកិច្ចនគរបាលពន្លត់អគ្គីភ័យ នៃស្នងការដ្ឋាននគរបាលខេត្តព្រះសីហនុ បានផ្តល់ព័ត៌មានបឋមថា មានអគ្គិភ័យឆេះហាងមួយកន្លែង របស់ជនជាតិចិន ឈ្មោះទីក្រុងល្ពៅចិន នៅម្តុំផ្លូវជិតផ្ទះជាងលីម ក្នុងសង្កាត់លេខ៤ វេលាម៉ោង ៦ និង៣០នាទីល្ងាចថ្ងៃទី១៥ ខែកក្កដា ឆ្នាំ២០១៩នេះ។
ភ្លាមៗអាជ្ញាធរមូលដ្ឋាន និងក្រុមសង្គ្រោះ បានអន្តរាគមន៍ជួយពន្លត់ភ្លើងនេះ កុំឲ្យឆេះរាលដាល ទៅផ្ទះដល់ប្រជាពលរដ្ឋជិតខាង ដែលនៅក្បែរនោះ។
សមត្ថកិច្ចពន្លត់អគ្គីភ័យបានឲ្យដឹងថា គិតមកត្រឹមម៉ោង ៧យប់ថ្ងៃថ្ងៃដដែលនេះ សមត្ថកិច្ចឲ្យដឹងថាក្រុមសង្គ្រោះបានគ្រប់គ្រងស្ថានការណ៍ភ្លើងឆេះខាងលើនេះ រលត់ជាស្ថាពរ ដោយមានរថយន្តពន្លត់អគ្គិភ័យពីអង្គភាពនានា ជុំវិញខេត្តព្រះសីហនុ។
យ៉ាងណាក៏ដោយចុះ អ្នកយកព័ត៌មានគេហទំព័រ យើង នឹងបន្តជូនព័ត៌មានន្ថែម ពីការខូចខាត និងដើមហេតុ បណ្តាលឲ្យមានអគ្គិភ័យឆាបឆេះហាងចិន ឈ្មោះទីក្រុងល្ពៅចិន” ខាងលើនេះ នៅពេលមានព័ត៌មានពិស្តារ៕ ដោយ៖ ដែន សីមា