កំពង់ឆ្នាំង ៖ ការិយាល័យផ្សព្វផ្សាយអប់រំ នៃស្នងការដ្ឋាននគរបាលខេត្តកំពង់ឆ្នាំង នៅថ្ងៃទី១៦ ខែកក្កដានេះ បានចេញរបាយការណ៍ព័ត៌មានលម្អិត ករណីគ្រោះថ្នាក់ចរាចរ នៅថ្ងៃទី១៥ ខែកក្កដា ឆ្នាំ២០១៩ វេលាម៉ោង១០:១៥នាទី លើផ្លូវជាតិលេខ៥ ចំណុចចន្លោះគីឡូម៉ែត្រលេខ១០៩-១១០ ស្តិតក្នុងភូមិស្រងាំទេ ឃុំប្រស្និប ស្រុករលាប្អៀរ ខេត្តកំពង់ឆ្នាំង ។
នគរបាល បានបន្ថែមថា មានរថយន្តមួយគ្រឿងម៉ាក TOYOTA CAMRY ពណ៌ទឹកមាស ពាក់ផ្លាកលេខបាត់ដំបង 2B-2751 បើកបរដោយឈ្មោះសុខ តែម ភេទប្រុស អាយុ ៤៧ឆ្នាំ រស់នៅភូមិអូតាគាំ៣ សង្កាត់ ទួលតាឯក ក្រុងបាត់ដំបង ខេត្តបាត់ដំបង បើកបរក្នុងទិសដៅពីត្បូងទៅជើង លុះបើកបរមកដល់ចំណុចខាងលើ បានរេចង្កូតទៅបុករថយន្ត ១ គ្រឿងទៀត ម៉ាក FUSO ពណ៌សខៀវ ពាក់ផ្លាកលេខ ភ្នំពេញ 3A3303 ក្នុងដំណើរបញ្ច្រាសទិសគ្នា បណ្តាលឲ្យរងរបួសមនុស្សចំនួន ២នាក់ គឺ១. ឈ្មោះសុខ តែម ភេទប្រុស អាយុ៤៧ឆ្នាំ រងរបួសស្រាល អ្នកបើកបររថយន្តបាឡែន និង២. ឈ្មោះអ៊ូ បែធ្ធីលិនដា ភេទស្រី អាយុ៤៩ឆ្នាំ រងរបួសស្រាល អ្នករួមដំណើរក្នុងរថយន្តកាម៉ារីបាឡែន ។ អ្នកទាំងពីរនាក់ រស់នៅភូមិអូតាគាំ៣ សង្កាត់ទួលតាឯក ក្រុងបាត់ដំបង ខេត្តបាត់ដំបង។
នគរបាលដដែល បានបន្ថែមទៀតថា ករណីគ្រោះថ្នាក់ចរាចរនេះ កើតឡើងដោយសារមូលហេតុ រថយន្តកាមរីបាឡែន បើកបរជែង ក្នុងស្ថានភាពគ្រោះថ្នាក់។ ខូចខាតរថយន្ត ២គ្រឿង ធ្ងន់ ហើយចាប់យកវត្ថុតាងយកទៅ រក្សាទុកនៅអធិការដ្ឋាននគរបាលស្រុករលាប្អៀរ ដើម្បីកសាងសំណុំរឿងតាមនីតិវិធី៕ ដោយ៖កូឡាប
