មនុស្សយ៉ាងហោចណាស់ចំនួន ១០នាក់បានស្លាប់ និងជាច្រើននាក់ទៀតកំពុងជាប់ក្រោមគំនរបាក់បែក ក្រោយពេលអគារកំពស់ ៤ជាន់មួយខ្នងបានបាក់រលំ នៅទីក្រុង Mumbai ប្រទេសឥណ្ឌា។
មូលហេតុនៃការបាក់រលំដ៏គួរឲ្យរន្ធត់នោះ គេមិនទាន់បានដឹងច្បាស់នៅឡើយទេ។
បើតាមសេចក្តីរាយការណ៍បានឲ្យដឹងថា អគារនោះមានអាយុកាលរហូតដល់ ១០០ឆ្នាំ។ ភ្លៀងម៉ូសុងកាលពីពេលថ្មីៗ អាចប្រហែលជាមូលហេតុនៃការបាក់រលំផងដែរ។
ប៉ូលីសនិយាយថា មានមនុស្សប្រហែល ១៥គ្រួសាររស់នៅក្នុងអគារដ៏ចំណាស់នោះ។ មនុស្ស ១០នាក់បានស្លាប់ រួមមានកុមារ ៣នាក់។
សូមបញ្ជាក់ថា មនុស្សប្រមាណ ២.០០០នាក់បានស្លាប់ជារៀងរាល់ឆ្នាំដោយសារតែបញ្ហាស្រដៀងគ្នានេះ។ ការបាក់រលំអគារ កើតឡើងដោយសារតែការសាងសង់គ្មានស្តង់ដារត្រឹមត្រូវ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC