មនុស្សយ៉ាងហោចណាស់ចំនួន ១នាក់បានស្លាប់ និងជាង ៣០នាក់ទៀតរងរបួស បន្ទាប់ពីមានករណីអគ្គិភ័យនៅស្ទីតយូផលិគំនូជីវចលមួយកន្លែងនៅទីក្រុង Kyoto ប្រទេសជប៉ុន។ អគ្គិភ័យនោះត្រូវគេសង្ស័យកើតឡើងដោយសារតែមានអ្នកដុត។
បើតាមប្រព័ន្ធផ្សព្វផ្សាយដកស្រង់សម្តីប៉ូលិស បានឲ្យដឹងថា មានបុរសម្នាក់បានចូលទៅក្នុងស្ទីតយូរបស់ក្រុមហ៊ុនផលិតគំនូជីវចល (Kyoto Animation Co) នៅព្រឹកថ្ងៃព្រហស្បតិ៍នេះ ហើយបានបាចសារធាតុរាវ និងចាប់ផ្តើមដុត។
ជនសង្ស័យដែលបង្កអគ្គិភ័យនោះត្រូវបានគេចាប់ខ្លួន។ អត្តសញ្ញាណរបស់ជនសង្ស័យមិនទាន់ត្រូវបានគេប្រាប់ឲ្យដឹងនៅឡើយទេ។
អ្នកនាំពាក្យប៉ូលិសប្រចាំតំបន់ខាងលើ បានថ្លែងប្រាប់ទីភ្នាក់ងារសារព័ត៌មាន AFP ថាមានបុរសម្នាក់បានបាចសារធាតុរាវ និងបានដុតភ្លើង។
អគ្គិភ័យចាប់ផ្តើមឆេះនៅជាន់ទី ៣ នៅវេលាម៉ោង ១០កន្លះព្រឹកថ្ងៃព្រហស្បតិ៍នេះ។
Kyoto Animation Co គឺជាក្រុមហ៊ុនផលិតគំនូជីវចលដ៏ល្បីមួយនៅក្នុងប្រទេសជប៉ុន៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC