មនុស្សយ៉ាងហោចណាស់ ចំនួន៣៣នាក់បានស្លាប់ និងជាច្រើននាក់ទៀតរងរបួស ក្រោយពេលបុរសម្នាក់បានលួចដុតស្ទីតយោផលិតគំនូរជីវចលមួយកន្លែងស្ថិតនៅទិក្រុង Kyoto ប្រទេសជប៉ុន។
ជនសង្ស័យដែលបង្កអគ្គិភ័យនោះ បានលួចចូលក្នុងស្ទីតយោ Kyoto កាលពីថ្ងៃព្រហស្បតិ៍ព្រឹក និងបានបាញ់សាំង រួចហើយបានដុតភ្លើងតែម្តង។
ជនសង្ស័យវ័យ ៤១ឆ្នាំ ត្រូវបានឃុំខ្លួន។ នេះគឺជាឧបទ្ទវហេតុអគ្គិភ័យដ៏អាក្រក់មួយ ក្នុងចំណោមហេតុការណ៍ដ៏អាក្រក់ផ្សេងទៀតចាប់តាំងពីសង្គ្រាមលោកលើកទី ២មក។
អគ្គិភ័យបានឆាបឆេះដំបូងនៅជាន់ទី ៣ នៅម៉ោងប្រហែល ១កន្លះព្រឹក ម៉ោងនៅជប៉ុន។ ប៉ូលីសក៏បានរកឃើញកាំបិតផងដែរនៅកន្លែងកើតហេតុ។ នេះបើតាមការចុះផ្សាយរបស់សារពត៌មានប្រចាំតំបន់។
ទំនាក់ទំនងរវាងជនសង្ស័យ និងក្រុមហ៊ុនផលិតគំនូរជីវចលខាងលើ មិនទាន់ត្រូវបានគេដឹងច្បាស់នៅឡើយទេ។
សូមបញ្ជាក់ថា ក្រុមហ៊ុន Kyoto Animationគឺជាក្រុមហ៊ុនផលិតភាពយន្ត និងប្រលោមលោកជីវចល ហើយមានអ្នកគាំទ្រយ៉ាងច្រើន ដោយសារតែស្នាដៃ និងគុណភាពភាពយន្តរបស់វា៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
