ជនជាតិចិន ១៨ នាក់ (សញ្ជាតិ តៃវ៉ាន់ ១២) លាក់ខ្លួនក្នុងទីតាំងដាច់ស្រយាលមួយកន្លែង ត្រូវបានកំលាំងនគរបាល នៃស្នងការដ្ឋាននគរបាលខេត្ដកំពង់ស្ពឺ ប្រតិបត្តិការបង្ក្រាបនៅក្នុងភូមិសាស្ដ្រខេត្ដកំពង់ស្ពឺ ។
ទីតាំងដែលជនជាតិចិនយកធ្វើជាមូលដ្ឋានប្រព្រឹត្តបទល្មើសចាប់ជំរិតនោះ ត្រូវម្ចាស់ឈ្មោះ ហេ ជីវ អេង មុខរបរជាមេធាវី បានជួលទៅឲ្យឈ្មោះ រ័ត្ន ពិន្ទ ដែលជាតំណាងឈរឈ្មោះឲ្យបុគ្គលម្នាក់ទៀតមិនស្គាល់ឈ្មោះ ក្នុងតម្លៃ ២២០០០ដុល្លារក្នុងមួយខែ។
សាលាដំបូងរាជធានីភ្នំពេញ បានឲ្យដឹងថា ពេលនេះលោក សាយ ណូរ៉ា តំណាងអយ្យការអមសាលាដំបូងរាជធានីភ្នំពេញ កំពុងសាកសួរ មន្ត្រីនគរបាល ៣នាក់ ពាក់ព័ន្ធករណីរត់ការ និងអន្ដរាគមន៍ឲ្យមានការដោះលែងជនជាតិចិនចំនួន ១៨នាក់ ដែលជាក្រុមចាប់ជំរិតតាម Online ដែលកម្លាំងនគរបាលខេត្តកំពង់ស្ពឺទើបតែចាប់ខ្លួនបាន នៅក្នុងឃ្លាំងមួយកន្លែងក្នុងចំការស្វាយរបស់លោកមេធាវី ហេ ជីវអេង នៅក្នុងខេត្តកំពង់ស្ពឺ។
ការសាកសួរបានធ្វើឡើងបន្ទាប់ពី កម្លាំងនគរបាល នាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន បានបញ្ជូនមន្ដ្រីនគរបាល ៣នាក់នោះ ទៅសាលាដំបូងរាជធានីភ្នំពេញ នៅ ថ្ងៃទី២១ ខែកក្កដា ឆ្នាំ២០១៩នេះ។
ជនសង្ស័យជាមន្ត្រីនគរបាល ទាំង ៣នាក់នោះ មានម្នាក់មានឋានន្ដរស័ក្ដិថ្នាក់ឧត្តមសេនីយ៍ទោ និងវរសេនីយ៍ត្រី បម្រើការងារនៅក្នុងអគ្គនាយកដ្ឋានអត្តសញ្ញាណកម្ម និងម្នាក់ទៀតជាមន្ត្រីនគរបាល បម្រើការងារនៅការិយាល័យស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្ដោប្រវេសន៍។
ទីតាំងឃ្លាំងមួយកន្លែង ដែលជនជាតិចិនរកស៊ីជំរិតតាមប្រព័ន្ធអនឡាញ ដែលគេដឹងថា ជាកម្មសិទ្ធិរបស់លោកមេធាវី ហេ ជីវអេង នៅក្នុងដីចំការស្វាយ ស្ថិតនៅក្នុងភូមិចា ឃុំស្វាយចចឹប ស្រុកបរសេដ្ឋ ខេត្តកំពង់ស្ពឺ ពាក់ព័ន្ធបទល្មើសជំរិតទារប្រាក់តាម Online។
ក្រោយពីឃាត់ខ្លួនយកទៅសាកសួរ នគរបាលជំនាញខេត្តកំពង់ស្ពឺ បានសម្រេចបញ្ជូនខ្លួនក្រុមជនសង្ស័យទាំង ១៨នាក់ និងវត្ថុតាងពាក់ព័ន្ធបទល្មើសឆបោកជំរិតទារប្រាក់តាមប្រព័ន្ធបច្ចេកវិទ្យាVOIP ទៅអគ្គស្នងការដ្ឋាននគរបាលជាតិ ដេីម្បីដំណេីរការចាត់ការតាមនីតិវិធីបន្ដជាមួយភាគីនគរបាលនៃសាធារណរដ្ឋប្រជាមានិតចិន។
ដោយឡែកចំពោះ អ្នកពាក់ព័ន្ធនឹងករណីផ្ដល់ទីតាំងឲ្យជនជាតិចិនប្រព្រឹត្ដបទល្មេីសជំរិតទារប្រាក់នៅចំណុចខាងលេីនេះ បច្ចុប្បន្ននគរបាលជំនាញខេត្តបានស្នេីសុំកិច្ចសហការ និងការចង្អុលបង្ហាញ ដើម្បីស្រាវជ្រាវឈានដល់ការចាប់ខ្លួនពួកគេមកផ្ដន្ទាទោសតាមច្បាប់ជាធរមាន។
កងកម្លាំងនគរបាលនៃស្នងការដ្ឋាននគរបាលខេត្ដកំពង់ស្ពឺ ដឹកនាំដោយលោក ខៃ សម្ជស្ស ព្រះរាជអាជ្ញារង អយ្យការអមសាលាដំបូងខេត្តកំពង់ស្ពឺ និងមានការចូលរួមពីលោក ឧត្ដមសេនីយ៍ត្រី ញ៉ែម សៅ ស្នងការរងខេត្ត លោកឈឺន សុធន អភិបាលស្រុកបរសេដ្ឋ កងកម្លាំងនគរបាលជំនាញពាក់ព័ន្ធ បានប្រតិបត្ដិការជាក់ស្តែងនៅទីតាំងដីចំការស្វាយមួយកន្លែង ស្ដិតនៅក្នុងភូមិចា ឃុំស្វាយចចឹប ស្រុកបរសេដ្ឋ ខេត្តកំពង់ស្ពឺ។
ក្នុងប្រតិបត្តិការជាក់ស្តែងវេលាម៉ោង៩.៣០នាទី នាថ្ងៃទី១៧ ខែកក្កដា ឆ្នាំ២០១៩ កម្លាំងនគរបាល បានចូលឆែកឆេរទីតាំងដីចំការស្វាយ(ឃ្លាំងប្រក់សង្ក័សីទំហំ ៤០ គុណ ១០០ ម៉ែត្រ រកឃើញមនុស្ស ជនជាតិ ចិន ១៨នាក់ សញ្ជាតិ តៃវ៉ាន់ ១២នាក់ សម្ភារៈឧបករណ៍បច្ចេកទេសគ្រឿងបំពាក់Wifi កាមេរ៉ាសុវត្ថិភាពជុំវិញទីតាំង ម៉ាស៊ីនកុំព្យូទ័រ ០៦គ្រឿង ម៉ាស៊ីនភ្ជាប់ដុំWifi ៤គ្រឿង ទូរស័ព្ទចល័តដាក់លេីតុខ្សែ ៣៣គ្រឿង ទូរស័ព្ទដៃប្រភេទចម្រុះ ៣៣គ្រឿង អាយផេត ៤គ្រឿង ម៉ាស៊ីនសឺវឺ មួយឈុត អង់តែនទាញសេវាទូរស័ព្ទ ឡាំងក្រដាសបិតស្នោរការពារសម្លេងរំខានដាក់លេីតុ ចំនួន២០ ម៉ាស៊ីនភ្លើងកំលាំង 150LS ២គ្រឿង ឯកសារភស្តុតាងភាសាចិន មានរូបថតជនជាតិចិន ឯកសារផ្ទេរប្រាក់តាមធនាគារ ឯកសារភស្ដុតាងរួមផ្សំមួយចំនួនជាច្រេីនទៀត។ដោយមានគោលការណ៍ដ៏ខ្ពង់ខ្ពស់ពី សម្ដេចក្រឡាហោម ឯកឧត្ដម នាយឧត្ដមសេនីយ៍សន្ដិបណ្ឌិត អគ្គស្នងការនគរបាលជាតិ ឯកឧត្ដមនាយឧត្ដមសេនីយ៍ អគ្គស្នងការរងនគរបាលជាតិ ទទួលផែនសន្ដិសុខ និងមានកិច្ចសហការពីនគរបាលចិន ជនជាតិចិនទាំង១៨នាក់ បានសម្រេចបញ្ជូនខ្លួនរួមជាមួយវត្ថុតាងពាក់ព័ន្ធបទល្មើសឆបោកជំរិតទារប្រាក់តាមប្រព័ន្ធបច្ចេកវិទ្យាVOIP ទៅអគ្គស្នងការដ្ឋាននគរបាលជាតិ ដេីម្បីដំណេីរការចាត់ការតាមនីតិវិធីបន្ដជាមួយភាគីនគរបាលនៃសាធារណរដ្ឋប្រជាមានិតចិន។
តាមការបញ្ជាក់ឲ្យដឹងពីឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ និងសមត្ថកិច្ចមូលដ្ឋានថាដីចំការស្វាយគឺជាកម្មសិទ្ធរបស់លោក ហេ ជីវ អេង មុខរបរជាមេធាវី បានជួលទៅអោយឈ្មោះរ័ត្ន ពិន្ទ (ជាតំណាងឈរឈ្មោះឲ្យបុគ្គលម្នាក់ទៀតនៅរាជធានីភ្នំពេញមិនស្គាល់ឈ្មោះ) ក្នុងតម្លៃ ២២០០០ដុល្លារអាមេរិក។
បច្ចុប្បន្នជំនាញខេត្តស្នេីសុំកិច្ចចង្អុលការក្នុងការដឹកនាំស្រាវជ្រាវរកអ្នកពាក់ព័ន្ធនិងករណីដែលផ្ដល់ទីតាំងរកអ្នកពាក់ព័ន្ធនិងករណីដែលផ្ដល់ទីតាំងជនជាតិប្រព្រឹត្ដបទល្មេីសនៅចំណុចខាងលេីឲ្យជនជាតិប្រព្រឹត្ដបទល្មេីសនៅចំណុចខាងលេី ធ្វើការផ្ដន្ទាទោសតាមច្បាប់ជាធរមាន៕ ដោយ៖កូឡាប