នៅថ្ងៃទី២១ ខែកក្កដា ឆ្នាំ២០១៩ វេលាម៉ោង ១៥.០០ នាទី កម្លាំងនគរបាលនៃស្នងការដ្ឋានខេត្តកំពង់ឆ្នាំងចំនួន ១៥នាក់ បានសហការណ៍ជាមួយកម្លាំននគរបាលស្រុកកំពង់លែងចំនួន ១០នាក់ ដឹកនាំដោយលោក វរសេនីយ៍ឯក ជិន សុផាត នាយការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ឆ្នាំង បានចុះបង្ក្រាបបទល្មើសឈូសឆាយដីព្រៃលិចទឹក នៅចំណុចតាប្រូច ស្ថិតក្នុងភូមិ កង្កែប ឃុំច្រណូក ស្រុកកំពង់លែង ខេត្ត កំពង់ឆ្នាំង ។
នគរបាលនៃស្នងការដ្ឋានខេត្តកំពង់ឆ្នាំង បានឲ្យដឹងថា ដោយបានឃាត់ទុកត្រាក់ទ័រចំនួន ៣គ្រឿង ម៉ាក KUBOTA 6040 ចំនួន ២គ្រឿង និងម៉ាក KUBOTA 9540 ចំនួន ១គឿង ។ ព្រមទាំងបានឃាត់ខ្លួនមនុស្សចំនួន ៤នាក់៖
១- ឈ្មោះ យន់ ថន ភេទប្រុស អាយុ ២០ឆ្នាំ សញ្ជាតិខ្មែរ
២- ឈ្មោះ វុន រស្មី ភេទប្រុស អាយុ ១៩ឆ្នាំ សញ្ជាតិ ខ្មែរ
៣- ឈ្មោះ ហ៊ត ចន្ថា ភេទ ប្រុសអាយុ 23 ឆ្នាំ សញ្ជាតិ
៤- ឈ្មោះ ឈី ស្រួច ភេទប្រុស សញ្ជាតិខ្មែរ
ឈ្មោះអ្នកទាំង៤ ខាងលើរស់នៅខេត្តកំពង់ធំ ។
សម្ភារៈត្រូវបានយកទៅរក្សាទុកនៅស្នងការដ្ឋាននគរបាលខេត្តកំពង់ឆ្នាំង៕ ដោយ៖កូឡាប