ភ្នំពេញ៖ ស្នងការដ្ឋាននគរបាលរាជធានីភ្នំពេញ នៅថ្ងៃទី២៤កក្កដា បានឲ្យដឹងថា លទ្ធផលសរុប២ថ្ងៃនៃការអនុវត្តច្បាប់ចរាចរណ៍ផ្លូវគោក លេីការត្រួតពិនិត្យមួកសុវត្ថិភាព ពិនិត្យរកសារធាតុញៀន និងជាតិស្រវឹងចំពោះអ្នកបេីកបរ និងព្រូរថយន្តធំ រកឃេីញអ្នកបេីកបរ និងព្រូរថយន្តធំដែលមានសារធាតុញៀនចំនួន ១០នាក់។
លោកវរសេនីយ៍ឯក សែម គន្ធា នាយការិយាល័យនគរបាលចរាចរណ៍ផ្លូវគោក បានអោយដឹងថាជាលទ្ធផលរយ:ពេល២ថ្ងៃ (២២-២៣ ខែកក្កដា ឆ្នាំ២០១៩) ក្នុងការត្រួតពិនិត្យមួកសុវត្ថិភាព ក៏ដូចជាការពិនិត្យរកសារធាតុញៀន និងជាតិស្រវឹងចំពោះអ្នកបេីកបរ និងព្រូរថយន្តធំ:
១. ករណីបេីកបរដែលអត់ពាក់មួកសុវត្ថិភាពសរុបចំនួន ២,៩២៥ នាក់ (អ្នកបេីកបរ ១,៧១៨នាក់ និងអ្នកអមដំណេីរចំនួន១,២០៧នាក់)
២. ករណីរកឃេីញអ្នកបេីកបរ និងព្រូរថយន្តធំដែលមានសារធាតុញៀនចំនួន ១០នាក់ ក្នុងចំណោមអ្នកបេីកបរ និងព្រូ សរុបចំនួន១០៥នាក់ដែលបានត្រួតពិនិត្យ អ្នករកឃេីញមានសារធាតុញៀននិងបន្តបញ្ជូនទៅអនុវត្តតាមនិតិវិធីច្បាប់ ចំណែកឯរថយន្តត្រូវយកទៅរក្សាទុកនៅការិយាល័យចរាចរណ៍ផ្លូវគោក៕ ដោយ៖កូឡាប