ខេត្តព្រះសីហនុ៖ សមត្ថកិច្ចនគរបាលខេត្តព្រះសីហនុ បានឲ្យដឹងព័ត៌មានបឋមថា នៅវេលាម៉ោង ០៣:០០នាទី ទៀបភ្លឺ ថ្ងៃព្រហស្បតិ៍ ទី២៥ ខែកក្កដា ឆ្នាំ២០១៩ លោក គួច ចំរើន អភិបាល នៃគណ:អភិបាលខេត្តព្រះសីហនុ និងមានការចូលរួមពីព្រះរាជអាជ្ញាអមសាលាដំបូងខេត្ត និងស្នងការនគរបាលខេត្តព្រះសីហនុផង បានដឹកនាំកម្លាំងចុះបង្ក្រាបបទល្មើសគ្រឿងញៀន នៅក្លឹប អូបាម៉ា KTV ដែលលួចលាក់ជួញដូរ និងប្រើប្រាស់គ្រឿងញៀន។
សមត្ថកិច្ចបន្តថា ក្នុងប្រតិបត្តិការចុះបង្ក្រាបគ្រឿងញៀនខាងលើនេះ នគរបាល បានឃាត់ខ្លួនមនុស្ស ឬជនជាតិចិនប្រមាណ ១០០នាក់ នាំយកទៅសាកសួរនៅស្នងការដ្ឋាននគរបាលខេត្តព្រះសីហនុ៕ ដោយ៖ ដែន សីមា
