ខេត្តព្រះសីហនុ៖ កាលពីរសៀលថ្ងៃទី២៤ ខែកក្កដា ឆ្នាំ២០១៩ លោក គួច ចំរើន អភិបាលខេត្តព្រះសីហនុ អមដំណើរដោយប្រធានមន្ទីរសាធារណការ និងមន្ត្រីសាលាខេត្តព្រះសីហនុ បានអញ្ជើញចុះពិនិត្យមើលស្ថានភាពផ្លូវ ដែលគ្រោងធ្វើការជួសជុលកែលម្អល្អឡើងវិញប្រមាណ ២២ ខ្សែ នាមូលដ្ឋានខេត្តព្រះសីហនុ។
ផ្លូវដែល លោក អភិបាលខេត្តព្រះសីហនុ បានចុះពិនិត្យជាក់ស្តែងគឺមានចំនួន ៥ខ្សែរួមមាន៖
១- កំណាត់ផ្លូវនៅខាងមុខសាខាធនាគារជាតិកម្ពុជា
២- ផ្លូវរំដោះការកកស្ទះពីចំណុចផ្លូវជាតិលេខ ៤ ចំណុចស្ថានីយ៍ប្រេងឥន្ធនៈតូតាល់ឆ្ពោះទៅសាលាក្រុងព្រះសីហនុ
៣- កំណាត់ផ្លូវពីចំណុចមុខសាលាក្រុងឆ្ពោះទៅវិទ្យាល័យហ៊ុនសែនមិត្តភាព
៤- ផ្លូវនៅតំបន់ភូមិទឹកភ្នែក
៥- កំណាត់ផ្លូវពីផ្លូវជាតិលេខ៤ កាត់តាមមន្ទីរវប្បធម៌ខេត្តព្រះសីហនុ មកភ្ជាប់ជាមួយនឹងផ្លូវមិត្តភាពមុខសាលាក្រុងព្រះសីហនុ។
លោក គួច ចំរើន មានប្រសាសន៍បន្តថា គ្រោងធ្វើការជួសជុលផ្លូវនេះ នឹងអនុវត្តន៍ទៅតាមអ្វី ដែលបានប្រជុំពិភាក្សាសម្រេច តាមទំហំស្របតាមប្លង់ប្រព័ន្ធ និងត្រូវជួសជុលផ្លូវណា ដែលផ្លូវអាទិភាពមុន ដើម្បីឆ្លើយតបទៅនឹងតម្រូវការចាំបាច់ចំពោះមុខ៕ ដោយ៖ដែន សីមា