ស្ទឹងត្រែង : ករណីយោធិនពីរនាក់ជិះម៉ូតូឌុបគ្នា ឆ្លងកាត់ស្ពាន ស្រាប់តែទឹកហូរបុកខ្លាំង បណ្តាលឲ្យបាក់ដីស្ពាន គួចយកទៅបាត់ នៅថ្ងៃទី 26 ខែកក្កដាឆ្នាំ 2019 នេះ ត្រូវបានសពប្រទះឃើញនៅម៉ោង៧និង៤១នាទី ។ សព មានឈ្មោះសុខ សុវណ្ឌី ជាអ្នកជិះពីក្រោយ គឺជាអ្នកឈឺ។
បើតាមរបាយការណ៍របស់ យោធភូមិភាគទី១ វរសេនាតូចកាំភ្លើងធំ ទាក់ទងនឹងយោធិនជួបហេតុការណ៍បាក់ស្ពានអូរម៉ា ទិសព្រំដែន កម្ពុជា-ឡាវ គឺ ពលបាលទៅ គីនី ដាលិ មុខងារជានាយក្រុមស៊ើបការណ៍ អ.ធំ៣ កើតឆ្នាំ ១៩៩៩ រស់នៅផ្សារតាឌី-ភ្នំកុង ស្រុករអង្គជ័យ ខេត្តកំពត។ ពលបាលទោ សុខ សុវណ្ណទី មុខងារជាយុទ្ធជន ក្រុម១ អ.ត៣ អ.ធំ៣ រស់នៅកោះតាកូវ-ឫស្សី ស្រុកកំពង់ត្រាច ខេត្តកំពត។
មានយោធិនពីរនាក់ បម្រើការងារនៅអង្គភាពវរកាំភ្លើងធំ ទីបញ្ជាការស្រាលយុទ្ធភូមិភាគទី១ ខេត្តស្ទឹងត្រែង បានជួបគ្រោះថ្នាក់នៅ ពេលកំពុងជិះម៉ូតូឌុបគ្នាឆ្លងកាត់ស្ពានមួយកន្លែង ត្រូវទឹកហូរបុកខ្លាំងបាក់ដីស្ពានគួចយកអ្នកទាំងពីរ រួមនឹងម៉ូតូបាត់ស្រមោលឈឹង ។
ឃ្លីបវីដេអូមួយត្រូវបានគេផ្សព្វផ្សាយដោយអះអាងនៅលើបណ្តាញសង្គមហ្វេសប៊ុកអំពីឧប្បត្តិហេតុគ្រោះថ្នាក់ចរាចរ លាយគ្រោះធម្មជាតិ កើតឡើងនៅចំណុចអូរមា ផ្លូវ១០១ ភូមិញុំងស៊ុំ ឃុំថ្មកែវ ស្រុកសៀមប៉ាង កាលីវេលាម៉ោង៩ជាងពេលព្រឹកថ្ងៃទី២៤ ខែកក្កដា ឆ្នាំ២០១៩៕ ដោយ៖កូឡាប