ភ្នំពេញ៖ នារីរូបស្រស់ម្នាក់ ត្រូវបានកម្លាំងអធិការដ្ឋាននគរបាលខណ្ឌដូនពេញ ឃាត់ខ្លួន ដែលតែងតែធ្វើសកម្មភាព លូកហោប៉ៅ ប្រជាពលរដ្ឋយ៉ាងសកម្ម នៅក្នុងផ្សាររាត្រី ហើយពេលនេះ សមត្ថកិច្ចបានរៀបសំណុំឯកសារ ដើម្បីបញ្ជូនបន្តអនុវត្តន៍តាមនីតិវិធីច្បាប់។
ស្មោងការដ្ឋាននគរបាលរាជធានីភ្នំពេញ បានឲ្យដឹងថា” មុខសញ្ញាចោរកម្មដែលតែងតែ ធ្វើសកម្មភាពលូកហោប៉ៅ ប្រជាពលរដ្ឋយ៉ាងសកម្ម នៅក្នុងផ្សាររាត្រី ត្រូវបានកម្លាំងអធិការដ្ឋាននគរបាលខណ្ឌដូនពេញ ធ្វើការបង្រ្កាបបាននៅរាត្រីថ្ងៃសុក្រ ទី២៦ ខែកក្កដា ឆ្នាំ២០១៩ ហើយសមត្ថកិច្ចបានរៀបសំណុំឯកសារ ដើម្បីបញ្ជូនបន្តអនុវត្តន៍តាមនីតិវិធីច្បាប់”។
គួរបញ្ជាក់ផងដែរថា យោងតាមគណនីហ្វេសប៊ុកជាច្រើន បានបង្ហោះសារ ហួសចិត្តនឹងទង្វើរបស់គាត់ ដែលតែងតែផុសរូបស្អាតៗ ជាពិសេសចូលចិត្តចូលហាងប្រេនៗ និងមានកម្មវិធីស្ទើរតែរាល់ថ្ងៃ ស្រាប់តែពេលត្រូវបានសមត្ថកិច្ចចាប់ខ្លួន ពីបទលូកហោប៉ៅ ប្រជាពលរដ្ឋយ៉ាងសកម្មទៅវិញ មិនគួរណាប្រព្រឹត្តអំពើដ៏ថោកទាបបែបនេះ?
បណ្ដាញសង្គមហ្វេសប៊ុកបានលើកឡើងថា ខ្ញុំដឹងថាខ្ញុំមិនគួរយករូបគាត់មកផុសទេ តែខ្ញុំវាហួសចិត្តពេក …
មនុស្សហើយមនុស្ស Friend Fb ខ្ញុំសោះឧស្សាហ៍ ឃើញផុសដើរលេងសប្បាយ ចូលក្លិបតែងខ្លួនហៃ ហៃ ប្រេនៗ ថែមទាំងពេលខ្លះ ទៅមើលកុនជួបទៀត នៅក្រៅសម្រស់មិនចាញ់ក្នុងFbទេ។ ចុះហេតុអ្វី? បានជាប្រព្រឹត្តអំពើដ៏ថោកទាបបែបនេះ? ។
ស្រ្ដីរូបស្រស់ដៃឆើតរូបនេះ ត្រូវបានសមត្ថកិច្ចនគរបាលខណ្ឌដូនពេញ ចាប់ឃាត់ខ្លួនបាន កាលពីវេលាយប់ថ្ងៃទី២៦ ខែកក្កដា ឆ្នាំ២០១៩ នៅចំណុចក្នុងផ្សាររាត្រីមាត់ទន្លេមុខសួនច្បារផ្សារចាស់ខណ្ឌដូនពេញ ។ ចោរស្រីរូបស្រស់មាន ឈ្មោះ ធូ ស្រីទូច អាយុ១៨ឆ្នាំ ជនជាតិខ្មែរ មុខរបរបុគ្គលិកបម្រើការងារ ផ្នែកខារ៉ាអូខេ មានទីលំនៅផ្ទះមិនចាំលេខ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ វត្តុតាងចាប់យកមាន៖ ទូរស័ព្ទដៃមួយគ្រឿងម៉ាក ណូគៀ ចុចពិល ស៊ីមលេខ069452168 និងកាបូបស្ពាយ ពណ៌សូកូឡាចំនួន១ (ជារបស់ជនសង្ស័យ) ។ ចំណែកជនរងគ្រោះភ្លាមនោះមិនបានដាក់ពាក្យបណ្ដឹងទេ ក៏ដើរទៅបាត់ ។ មន្រ្តីនគរបាលព្រហ្មទណ្ឌខណ្ឌដូនពេញ បានឲ្យដឹងថា មុខពេលកើតហេតុ ជនសង្ស័យឈ្មោះ ធូ ស្រីទូច និង បក្ខពួកម្នាក់ទៀតឈ្មោះ ឥត ភេទស្រី អាយុប្រហែល១២ឆ្នាំ បានចេញពីម្តុំរោងចក្រឆ្នាំងមកផ្សាររាត្រី ក្នុងគោលបំណងលួចទ្រព្យសម្បត្តិប្រជាពលរដ្ឋ ពេលដែលជនសង្ស័យទាំង២នាក់មកដល់ ក៏បានជួបជាមួយបក្ខពួកចំនួន៣នាក់ទៀតឈ្មោះ អាសិទ្ធ (ខ្ទើយ)ភេទប្រុស អាយុប្រហែល១២ឆ្នាំ និងឈ្មោះអាខ្ទើយមុខអាក្រក់ ភេទស្រីអាយុប្រហែល១២ឆ្នាំ និងឈ្មោះ អូន ភេទស្រី (ខ្ទើយ)អាយុប្រហែល១៨ឆ្នាំ ហើយក៏បាននាំគ្នាដើរធ្វើសកម្មភាពលួចទ្រព្យសម្បត្តិជាមួយគ្នា ។ ពេលនោះដែលបក្ខពួកជនសង្ស័យម្នាក់ ឈ្មោះឥត កំពុងតែធ្វើសកម្មភាពលួចលុយ នៅក្នុងកាបូបគេកំពុងឈរទិញអីវ៉ាន់ ក៏ត្រូវបានសមត្ថកិច្ចផ្នែកយុត្តិធម៌ និងកម្លាំងប៉ុស្តិ៍នគរបាលវត្តភ្នំ បានមកទាន់ធ្វើការបង្ក្រាប នឹងឃាត់ខ្លួនជនសង្ស័យបានម្នាក់ឈ្មោះ ធូ ស្រីទូច យកមកកាន់ទីស្នាក់ការប៉ុស្តិ៍វត្តភ្នំ ដើម្បីធ្វើការសាកសួរ ។ ចំណែកបក្ខពួកជនសង្ស័យចំនួន៤នាក់ទៀត រត់គេចខ្លួនបាត់អស់ ។ ក្រោយឃាត់ខ្លួន សមត្ថកិច្ចបានធ្វើតេស្តទឹកនោមឃើញថា ជនសង្ស័យពុំមានសារធាតុញៀននោះទេ ។ នៅចំពោះមុខកម្លាំងប៉ុស្តិ៍និងខណ្ឌកំពុងប្រើវិធានការជំនាញសួរចម្លើយរកបក្ខពួកនិងសកម្មភាពដែលបានប្រព្រឹត្តកន្លងមកហើយ កសាងសំណុំរឿងតាមនីតិវិធី ៕ ដោយ៖កូឡាប