រតនគិរី៖ កម្លាំងអាវុធហត្តក្រុងបានលុង សហការជាមួយ អាវុធហត្តខេត្ត រតនគីរី ឃាត់ខ្លួនជនដៃដល់ម្នាក់ កាប់សម្លាប់យុវជនម្នាក់ កាលពី ថ្ងៃ23 កក្កដា 2019កន្លងទៅ នៅមាត់បឹងកន្សែង។ ក្រោយពីកើត ហេតុជនដៃដល់ បានរត់គេចខ្លួនបាត់ រហូតដល់ថ្ងៃទី28កក្កដា20 19.នេះ ទើបកម្លាំងអាវុធហត្តចាប់ខ្លួនបាន។
នាថ្ងៃទី២៨ ខែកក្កដា ឆ្នាំ២០១៩នេះ ក្រោយពីបើកការស្រាវជ្រាវយ៉ាងយក ចិត្តទុកដាក់ លើករណីឃាតកម្មនៅក្រុងបានលុង ខេត្តរតនគិរីរួចមក កម្លាំងអាវុធហត្ថក្រុងបានលុង សហការជាមួយ កម្លាំងជំនាញអាវុធហត្ថខេត្តរតនគិរី បានឃាត់ខ្លួន យុវជនម្នាក់មានឈ្មោះ ស ម៉ាកូ អាយុ១៨ឆ្នាំ ស្ថិតនៅភូមិលូត ឃុំទីងចាក់ ស្រុកបរកែវ។
ករណីហិង្សានេះកើតឡើងនៅយប់ថ្ងៃទី២៣ ខែកក្កដា ឆ្នាំ២០១៩ កន្លងទៅ ដោយជនសង្ស័យ បានយកដាវ កាប់ទៅលើជនរងគ្រោះឈ្មោះ អេង រដ្ឋា បណ្ដាលឱ្យស្លាប់នៅនឹងកន្លែង ត្រង់ចំណុចលោកតាជួងមាត់បឹងកន្សែង ស្ថិតក្នុភូមិទេសអន្លង់ សង្កាត់បឹងកន្សែង ក្រុងបានលុង រួចជនជនសង្ស័យក៏រត់គេចខ្លួន។
បន្ទាប់ពីទទួលព័ត៌មានថា ជនសង្ស័យទៅសម្ងំលាក់ខ្លួនក្នុងភូមិលូត ឃុំទីងចាក់ ស្រុកបរកែវ កម្លាំងជំនាញអាវុធហត្ថបាន ចុះឃាត់ខ្លួនជាក់ស្តែងតែម្តង។ ជនសង្ស័យរួមនឹងវត្ថុតាង ត្រូវបានបញ្ជូនទៅកាន់ ទីបញ្ជាការអាវុធខេត្តរនគិរី ដើម្បីកសាងសំណុំបញ្ជូន ទៅសាលាដំបូងខេត្តផ្តន្ទាទោសតាមច្បាប់៕ ដោយ៖កូឡាប