ភ្នំពេញ៖ នៅព្រឹកថ្ងៃទី២៩ ខែកក្កដា ឆ្នាំ២០១៩ ប្រជាពលរដ្ឋប្រមាណ ១៦០ នាក់ តំណាងឲ្យប្រជាពលរដ្ឋចំនួន ៦១១ គ្រួសារ ដែលមានដីសហគមន៍ទំហំ ៣៤៣៦.៥៩ហិចតា ក្នុង ៤សហគមន៍ ស្ថិតនៅក្នុងខេត្តត្បូងឃ្មុំ នឹងជួបប្រជុំគ្នាម្តងទៀត ដើម្បីដាក់ញត្តិទៅកាន់ ក្រសួងដែនដីនគរូបណីយកម្ម និងសំណង់ ក្រសួងកសិកម្មរុក្ខាប្រមាញ់ និងនេសាទ និងក្រសួងមហាផ្ទៃ ដើម្បី បដិសេធន៍លើសេចក្ដីប្រកាសព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ ចុះនៅថ្ងៃទី២២ ខេកក្ដដា ឆ្នាំ២០១៩ កាលពីពេលកន្លងទៅ និងស្នើសុំឲ្យក្រសួងចុះស៊ើបអង្កេត និងធ្វើកិច្ចអន្តរាគមន៍លើករណីនៃការយកដីសហគមន៍ទៅសប្បទានឲ្យក្រុមហ៊ុន និងឈ្មួញ។
បើតាមសេចក្ដីប្រកាសព័ត៌មាន កម្មវិធីនេះប្រព្រឹត្តទៅដូចខាងក្រោម៖ ថ្ងៃច័ន្ទ ទី ២៩ ខែកក្កដា ឆ្នាំ២០១៩ វេលាម៉ោង ៨ នាទីព្រឹក ដល់ម៉ោង ១២ថ្ងៃត្រង់ នៅក្រសួងដែនដីនគរូបណីយកម្ម និងសំណង់ ក្រសួងកសិកម្មរុក្ខាប្រមាញ់ និងនេសាទ និងក្រសួងមហាផ្ទៃ៕ ដោយ៖បញ្ញាស័ក្តិ
