មនុស្សយ៉ាងហោចណាស់ចំនួន ៣៦នាក់បានស្លាប់ ក្នុងគ្រោះរអិលបាក់ដី ដែលបានវាយប្រហារភូមិមួយ ស្ថិតនៅភាគខាងត្បូងប្រទេសចិន។
បើតាមប្រព័ន្ធផ្សព្វក្នុងតំបន់បានឲ្យដឹងថា មនុស្សចំនួន ១៥នាក់កំពុងបាត់ខ្លួន បន្ទាប់ពីមានរលកល្បាប់ភក់វាយប្រហារ និងកប់ផ្ទះចំនួន ២០ខ្នង នៅខេត្ត Guizhou។
អាជ្ញាធរចិនបានថ្លែងថា ពួកគេបានជួយសង្គ្រោះមនុស្សចំនួន ៤០នាក់ឲ្យរួចផុតជីវិតពីការរអិលបាក់ដី នៅតំបន់ Shuicheng។
ការរអិលបាកដីនោះកើតឡើង ក្រោយពេលភ្លៀងខ្លាំងនៅតែបន្តធ្លាក់។
គ្រួសារមួយមានសមាជិក ៤នាក់គឺស្ថិតក្នុងចំណោមជនរងគ្រោះដែលស្លាប់។
សូមបញ្ជាក់ថា គ្រោះរអិលបាក់ដី តែងកើតមានញឹកញាប់នៅក្នុងប្រទេសចិន ជាពិសេសនៅតំបន់ជនបទ និងតំបន់ភ្នំ ក្រោយពេលមានភ្លៀងធ្លាក់ខ្លាំង។ កាលពីខែមុន មានគ្រោះរអិលបាក់ដីកើតឡើងនៅក្នុងខេត្ត Fujian បណ្តាលឲ្យមនុស្សស្លាប់ និងរបួសជាច្រើននាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC