ស្នងការដ្ឋាននគរបាលខេត្តកំពង់ស្ពឺ សូមធ្វើការបញ្ជាក់ជូនថា ករណីបង្ក្រាបគ្រឿងញៀននៅក្លឹបកំសាន្ដរាត្រី គីរីរម្យ ជារបស់លោកស្រី ទិត្យ សុីណាត នោះគឺជាគោលការណ៍របស់គណៈកម្មាធិការលុបបំបាត់គ្រឿងញៀនថ្នាក់ជាតិ ហើយចំពោះរឿងរ៉ាវរបស់លោកអនុសេនីយ៍ឯក អុឹង ឡាយឆាយ គឺមិនជាប់ពាក់និងករណីខាងលេីឡេីយ ការដកមុខតំណែងដេីម្បីត្រួតពិនិត្យនោះគឺជារឿងបុគ្គលឯកជនតែប៉ុណ្ណោះ ។
ស្នងការដ្ឋាននគរបាលខេត្តកំពង់ស្ពឺ សូមគោរពអនុញ្ញាតិជម្រាបជូនសាធារណៈជន អស់លោកលោកស្រី អ្នកសារព័ត៌មាន និងអ្នកនិយមលេងបណ្ដាញសង្គមទាំងអស់មេត្ដាជ្រាបថា ÷ ថ្មីៗនេះ មានសារព័ត៌មាន បណ្ដាញសង្គមហ្វេសប៊ុក មួយចំនួនបានចុះផ្សាយនិងលេីកយកករណីលោកអនុសេនីយ៍ឯក អុឹង ឡាយឆាយ អតីតអធិការរង នៃអធិការដ្ឋាននគរបាលស្រុកភ្នំស្រួច ទទួលផ្នែកគ្រឿងញៀនថាបានបង្ក្រាបទីតាំងមួយកន្លែងនៅ ” ក្លឹបកំសាន្ដរាត្រី គីរីរម្យ “ស្ថិតក្នុងភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ រួចត្រូវបានថ្នាក់លេីដកតំណែងអោយមកធ្វេីការនៅស្នងការដ្ឋាននគរបាលខេត្តកំពង់ស្ពឺ(ការិយាល័យបុគ្គលិក) ដេីម្បីត្រួតពិនិត្យ។
ស្នងការដ្ឋាននគរបាលខេត្តកំពង់ស្ពឺ សូមធ្វើការបញ្ជាក់ជូនថា ករណីបង្ក្រាបគ្រឿងញៀននៅក្លឹបកំសាន្ដរាត្រី គីរីរម្យ ជារបស់លោកស្រី ទិត្យ សុីណាត នោះគឺជាគោលការណ៍របស់គណៈកម្មាធិការលុបបំបាត់គ្រឿងញៀនថ្នាក់ជាតិដែលមានសម្ដេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ ជាប្រធានប្ដេជ្ញាលុបបំបាត់ឲ្យអស់នូវការប្រេីប្រាស់គ្រឿងញៀននៅតាមក្លឹបកំសាន្ដនានាទូទាំងប្រទេស ក្នុងឆ្នាំ២០១៩។ ហេីយកិច្ចប្រតិបត្ដិការនោះគឺធ្វេីឡេីងដោយមានការដឹកនាំពីលោកខៃ សម្ជស្ស ព្រះរាជអាជ្ញារង អយ្យការអមសាលាដំបូងខេត្ដកំពង់ស្ពឺ ឯកឧត្ដម សរ សុពុត្រា អភិបាលរងខេត្ដ និងជាប្រធានលេខាធិការដ្ឋានត្រួតពិនិត្យគ្រឿងញៀនខេត្ត ព្រមទាំងចូលរួមពីលោកឧត្ដមសេនីយ៍ទោ សម សាមួន ស្នងការនគរបាលខេត្ត និងមន្ដ្រីជំនាញ អាជ្ញាធរពាក់ព័ន្ធមួយចំនួនទៀត។
បច្ចុប្បន្នទីតាំងក្លឹបកំសាន្ដរាត្រីគីរីរម្យ ត្រូវបានអាជ្ញាធរមានសមត្ថកិច្ចរកឃើញថាបានផ្ដល់ឲ្យមានការប្រព្រឹត្ដបទល្មេីសប្រេីប្រាស់គ្រឿងញៀននិងបានឃាត់ខ្លួនមនុស្សពីរនាក់បញ្ជូនទៅកាន់តុលាការចាត់ការ បិទក្លឹបជាបណ្ដោះអាសន្នរង់ចាំមានចំណាត់ការនីតិវិធីជាថ្មី។
ចំពោះរឿងរ៉ាវរបស់លោកអនុសេនីយ៍ឯក អុឹង ឡាយឆាយ គឺមិនជាប់ពាក់និងករណីខាងលេីឡេីយ ការដកមុខតំណែងដេីម្បីត្រួតពិនិត្យនោះគឺជារឿងបុគ្គលឯកជនតែប៉ុណ្ណោះ ការបង្ក្រាបក្លឹបកំសាន្តគីរីរម្យមិនមានឥទ្ធិពលអ្នកមានអំណាច រឺជារបស់អ្នកធំណាមួយឡេីយ គឺជាកម្មសិទ្ធបុគ្គលឯកជនឈ្មោះ ទិត្យ សុីណាត ជាប្រជាពលរដ្ឋសាមញ្ញា ដូច្នេះសូមអ្នកសារព័ត៌មាននិងអ្នកនិយមលេងបណ្ដាញសង្គមហ្វេសប៊ុក កុំយល់ច្រឡំករណីលោកអនុសេនីយ៍ឯក អុឹង ឡាយឆាយ ជាមួយប្រតិបត្តិការរបស់សមត្ថកិច្ចក្នុងការបង្ក្រាបបទល្មេីសគ្រឿងញៀននៅក្លឹបកំសាន្ដរាត្រី គីរីរម្យ៕ ដោយ៖កូឡាប