ខេត្តព្រះសីហនុ៖ ” ដើម្បីដោះស្រាយ បញ្ហារកកស្ទះចរាចរណ៍គឺត្រូវ សិក្សាស្វែងយល់ពីកត្តាដែលបណ្តាលអោយមានការកកស្ទះ ដែលរួមមានដូចជាការបើកបរមិនគោរពផ្លូវដែលជាអាទិភាព (ដែលគួរតែមានការអប់រំ និងផាកពិន័យ)”៖
ការប្រើប្រាស់ចំណីផ្លូវសាធារណៈខុសច្បាប់ (ដែលបណ្តាលអោយផ្លូវត្រូវរួមតូច និងមានការចតរថយន្តនៅលើដងផ្លូវ) និងកត្តាផ្លូវថ្នល់ (ពុំទាន់បានជួសជុល)។ល។
បន្ទាប់ពីរកឃើញហើយត្រូវមានវិធានការក៏ដូចជាដំណោះស្រាយ ដើម្បីកែលំអរភាពអវិជ្ជមានទាំងនេះ។ ជាការពិតណាស់ មានការងារខ្លះទាមទារ ពេលវេលា ព្រោះវាពាក់ពន្ឋ័ដល់ថវិកា ដែលត្រូវចំណាយ ក៏ប៉ុន្តែមានការងារខ្លះ គួរតែអាចធ្វើទៅបានដោយមិនចាំបាច់រង់ចាំតទៅទៀត។
ឧទាហរណ៍ការរំដោះឬយកមកវិញ នូវចំណផ្លូវសាធារណៈពីសំណាក់អ្នករំលោភបំពានខុសច្បាប់។
ការសិក្សាអំពីការប្រើប្រាស់ផ្លូវឯកទិសសំរាប់ផ្លូវមួយចំនួន នៅក្នុងក្រុង ក៏គួតែអាចធ្វើឡើងដើម្បីបញ្ជៀសការកកស្ទះផងដែរ។
សូមបញ្ជាក់ថា «ការជួយសំរួលចរាចរអំពីសំណាក់ បងប្អូនកងកំលាំងមានសមត្ថកិច្ច គឺគ្រាន់តែជាមធ្យោបាយបណ្តោះអាសន្នតែប៉ុណ្ណោះ» ការសិក្សានិងចាត់វិធានការដោះស្រាយជាបន្ទាន់នូវបញ្ហារនានា ដែលអាចធ្វើទៅបាន ទើបជាបញ្ហាសំខាន់។
មន្ត្រីពាក់ពន្ឋ័តាមផ្នែកនីមួយៗ គួរត្រូវបានទទួល នូវកាតព្វកិច្ចទៅតាមជំនាញរៀងៗខ្លួន។ ស្ថិតក្រោមការខិតខំប្រឹងប្រែង របស់រាជរដ្ឋាភិបាល ដែលមានសម្តេចតេជោ ជាប្រមុខដ៏ឆ្នើម បានធ្វើអោយខេត្តព្រះសីហនុ កំពុងតែទទួលបាន នូវការចាប់អារម្មណ៍ពីសំណាក់អ្នកវិនិយោគទាំងក្នុងស្រុក និងក្រៅប្រទេស។
ការបង្កភាពងាយស្រួលដល់អ្នកវិនិយោគ ក៏ដូចជាភ្ញៀវទសចរ គួរតែត្រូវបានយកចិត្តទុកដាក់ខ្ពស់។
ក្នុងនាមជាពលរដ្ឋមួយរូប របស់ខេត្តព្រះសីហនុ ខ្ញុំសង្ឃឹមយ៉ាងមុតមាំថា ឯកឧត្តមអភិបាល នៃគណៈអភិបាលខេត្តនឹងអាចធ្វើអោយមានភាពប្រសើរឡើង លើបញ្ហារចរាចរណ៍កកស្ទះ ក្នុងពេលដ៏ខ្លីខាងមុខនេះ ព្រោះ សម្តេចលោក បានមានប្រសាសន៍ហើយថា ឯកឧត្តម គឺជាបុគ្គលខ្លាំង ដែលអាចជួយធ្វើអោយមានភាពប្រសើឡើង នៅក្នុងខេត្តព្រះសីហនុយើងនេះ៕ ដោយ ៖ ដែន សីមា