ខេត្តស្វាយរៀង៖ យ៉ាងហោចណាស់កម្មករកម្មការិនីរោងចក្រប្រុសស្រី២នាក់ស្លាប់និងជិត៣០នាក់ទៀតបានរងរបួសធ្ងន់និងស្រាលខណៈដែលតៃកុងរថយន្តរថយន្តបើកបរវ៉ាជែងនិងម៉ូតូបណ្តាលក្រឡាប់ផ្ងារជើងជះកម្មករកម្មការិនីរណូករណែរពេញផ្លូវ។
ករណីនេះបានកើតឡើងកាលពីវេលាម៉ោង៦និង៣០នាទី ថ្ងៃទី៣០ខែកក្តដាឆ្នាំ២០១៩នេះនៅលើផ្លូវក្រាលកៅស៊ូមួយខ្សែស្ថិតក្នុងភូមិ កំពង់រទេះ ឃុំ ពពែត ស្រុក ស្វាយទាប ខេត្តស្វាយរៀង។
បើតាមកម្មការិនីរងគ្រោះម្នាក់បានប្រាប់ ឱ្យដឹងថា៖នៅមុនពេលកើតហេតុនោះមកដល់ត្រង់ចំណុចកើតហេតុខាងលើស្រាប់តែម៉ូតូមួយគ្រឿងនៅពីចំពាក់កណ្តាលផ្លូវពេលតៃកុងរថយន្តបានបើកវ៉ាម៉ូតូធ្វើរថយន្តដឹកកម្មករកម្មការិនីរេចង្កូតក្រឡាប់ចាក់មនុស្សនៅលើរថយន្តបណ្តាលអោយមានអ្នកស្លាប់និងរងរបួសជាច្រើនអ្នក។
ប្រភពបានបន្តទៀតថា៖តៃកុងរថយន្តដែលមកបើករថយន្តនេះគ្មានចេះបើកបរនោះទេគែរកមកបើកជំនួសដោយសារម្ចាស់រថយន្តឈឺមិនបានបើកហើយអ្វីដែលគួរអោយហួសចិត្តទៀតនោះគឺតៃកុងគោយន្តសោះគ្មានប័នបើកបរផងហ៊ានបើករថយន្តដឹកកម្មករកម្មការិនីរោងចក្រមានមនុស្សជិះជិត៤០ឯនោះ។
អ្នកបើកបររថយន្តមានឈ្មោះ ខេន សាវឿន ភេទប្រុស អាយុ ៣៥ឆ្នាំរស់នៅភូមិ បាត់ថង់ ឃុំគគីរសោម ស្រុក ស្វាយទាប ខេត្តស្វាយរៀងក្រោយពីបង្កហេតុរួចអ្នកបើកបរចុះរត់គេចខ្លួនបាត់ពីកន្លែងកើតហេតុ។
យោងតាមសមត្ថកិច្ចបានអោយដឹងថា៖ជនរងគ្រោះដែលបានស្លាប់ក្នុងហេតុការណ៍គ្រោះថ្នាក់ចរាចរណ៍នេះទី១.មានឈ្មោះ ស្រី ពៅ អាយុ ២០ឆ្នាំ មុខរបរកម្មការិនីរោងចក្ររស់នៅភូមិ បាត់ថង់ ឃុំ គគីរសោម ស្រុក ស្វាយទាប ខេត្តស្វាយរៀង។ទី២.មានឈ្មោះ គង់ ចន្ធី ភេទប្រុស អាយុ ៣២ឆ្នាំ មុខរបរកម្មកររោងចក្ររស់នៅភូមិ ទួលអង្គ ឃុំ គគីរសោម ស្រុក ស្វាយទាប ខេត្ត ស្វាយរៀង។
បច្ចប្បន្នជនរងគ្រោះទាំងអស់កំពុងសម្រាកព្យាបាលនៅមន្ទីរពេទ្យបង្អែកជីភូនិងមន្ទីរពេទ្យបង្អែកខេត្តស្វាយរៀងរីឯសាកសពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី ៕ ដោយ ៖ វ៉ៃកូ