ពោធិ៍សាត់ ៖ ជនសង្ស័យ៣នាក់ត្រូវ សមត្ថកិច្ចនគរបាលក្រុងពោធិ៍សាត់បង្ក្រាបឃាត់ខ្លួន ពាក់ព័ន្ធករណី រក្សាទុក និងដឹកជញ្ជូនដោយខុសច្បាប់នូវសារធាតុញៀនខុសច្បាប់ នៅថ្ងៃទី៣១ ខែកក្កដា ឆ្នាំ២០១៩ វេលាម៉ោង១១និង៤៨នាទី នៅចំណុចភូមិអូរស្តៅ សង្កាតស្វាយអាត់ ក្រុងពោធិសាត់ ។
លោកវរសេនីយ៍ឯក យឹម ស៊ាងហៃ អធិការនៃអធិការដ្ឋាននគរបាលក្រុងពោធិ៍សាត់ បានឲ្យដឹងថា ដោយមានការសម្របសម្រួលពីព្រះរាជអាជ្ញាអមសាលាដំបូងខេត្ត សមត្ថកិច្ចធ្វើការចាប់ ខ្លនជនសង្ស័យទី១-ឈ្មោះឡាច បុន្នី ប្រុស អាយុ២៨ឆ្នាំរស់នៅភូមិបាក់រទេះ ព្រៃញី សាត់, ទី២-ឈ្មោះ ជា ហូស៊ីម ភេទប្រុស អាយុ២៣ឆ្នាំ រស់នៅភូមិបាក់រទេះ ព្រៃញី ពោធិ៍សាត់ និងទី៣-ឈ្មោះ អ៊ឹម ឆៃលី ភេទស្រី អាយុ៤៩ឆ្នាំ រស់នៅភូមិអន្លង់ហាប ឃុំកោះជុំកណ្តៀង ក្រុងពោធិ៍សាត់ ខេត្តពោធិ៍សាត់ ។
ក្រោយពីសមត្ថកិច្ចចាប់ឃាត់ខ្លួនជនសង្ស័យទាំង៣នាក់នេះសមត្ថកិច្ចរកឃើញវត្ថុតាងៈគ្រឿងញៀន ICE ០៣ដុំ ទម្ងន់ (៣០៨២ក្រាម), រថយន្ត០១គ្រឿង, ជញ្ជីង០១,កាបូបដៃ០១,កាបូបស្ពាយ០១, កាតគ្រីរថយន្ត០៤សន្លឹក, អត្តសញ្ញាណបណ្ណ័០២សន្លឹក, ថង់ច្រកមួយចំនួន, ស្លាកលេខរថយន្ត 2D-8572 (០២សន្លឹក), ខ្សែក០១ខ្សែ, ចិញ្ចៀន០១វង់, ទូរសព្ទ័០១គ្រឿង, លុយខ្មែរ(៨៦ម៉ឺនរៀល), ស្បោងពណ៍ខៀវ០១។
លោកអធិការបានបន្តថា ជនសង្ស័យ រួមទាំងវត្ថុតាងសមត្ថកិច្ចបានកសាងសំណុំរឿងបញ្ជូនមកកាន់ការិយាល័យជំនាញនៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធី ៕ ដោយ៖កូឡាប
