ខេត្តព្រះសីហនុ៖ កាលពីថ្ងៃទី១ ខែកក្កដា ឆ្នាំ២០១៩ កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យចំនួន ៤នាក់ ព្រមទាំងវត្ថុតាងទៅសាលាដំបូងខេត្តព្រះសីហនុ ពាក់ព័ន្ធករណីជួញដូរគ្រឿងញៀន ដែលបង្រ្កាប បានកាលពីថ្ងៃទី៣០ ខែកក្កដា ឆ្នាំ២០១៩ នៅចំណុចភូមិ៤ សង្កាត់លេខ៤ ក្រុងព្រះសីហនុ។
សមត្ថកិច្ចកងរាជអាវុធហត្ថខេត្តព្រះសីហនុ បានបញ្ជាក់ថា ជនសង្ស័យមានឈ្មោះ៖
ទី១- ឈ្មោះ ម៉ា សុខទី ភេទប្រុសអាយុ ១៩ឆ្នាំ មុខរបរបុគ្គលិក កាស៊ីណូ មានទីលំនៅបច្ចុប្បន្ន នៅផ្ទះជួលអូរ១ សង្កាត់លេខ៤ ក្រុងព្រះសីហនុ
២ -ឈ្មោះគន្ធ សុវណ្ណ ភេទប្រុស អាយុ៣៦ឆ្នាំ មុខរបរបើកបរ ទីលំនៅបច្ចុប្បន្ននៅផ្ទះជួលអូរ២សង្កាត់លេខ៤ ក្រុងព្រះសីហនុ ។
៣ -ឈ្មោះវង្ស រាជភេទប្រុស អាយុ១៧ឆ្នាំមុខរបរជាងម៉ូតូ ទីលំនៅបច្ចុប្បន្នភូមិ៤ សង្កាត់លេខ៤ ក្រុងព្រះសីហនុ
៤ -ឈ្មោះវ៉ន សុខអាយុ១៩ឆ្នាំ ភេទប្រុសមុខរបរជាងសំណង់ ទីលំនៅបច្ចុប្បន្នភូមិ៣ សង្កាត់លេខ៤. ក្រុងព្រះសីហនុ
ចំណែកវត្ថុតាងរួមមាន៖ ថ្នាំញៀនម្សៅចំនួន៣១ កញ្ចប់ទម្ងន់២.៤៨ក្រាម (ទម្ងន់សុទ្ធ), ទូរស័ព្ទចំនួន ៣គ្រឿង , ប្រាក់រៀល ចំនួន ៥០.០០០រៀល ,ប្រាក់ដុល្លាចំនួន ២០$ និងម៉ូតូចំនួន ២គ្រឿង៕ ដោយ៖ ដែន សីមា