លោក Patrick Murphy ត្រូវបានគណៈកម្មការកិច្ចការបរទេសនៃព្រឹទ្ធសភាសហរដ្ឋអាមេរិក ផ្តល់សេចក្តីទុកចិត្តតែងតាំងជា «ឯកអគ្គរដ្ឋទូតថ្មី»ប្រចាំនៅកម្ពុជា នៅថ្ងៃទី០១ ខែសីហា បន្ទាប់លោក William A. Heidt បានបញ្ចប់អាណត្តិ នៅខែវិច្ឆិកា ឆ្នាំ២០១៨។
លោក Murphy ត្រូវបានដឹងថាអ្នកការទូតជើងចាស់ និងមានបទពិសោធន៍ជោគជាំនៅក្នុងតំបន់អាស៉ីអគ្នេយ៍ និងអាស៉ីប៉ាស៉ីហ្វិក និងចិន។ លោកក៏ត្រូវបានគេដឹងថាមានគោលជំហររឹងមាំ ក្នុងការការពារលទ្ធិប្រជាធិបតេយ្យ ហើយលោកធ្លាប់ជាសមាជិកក្រុមប្រឹក្សានៃវិទ្យាស្ថានជាតិប្រជាធិបតរយ្យសម្រាប់កិច្ចការអន្តរជាតិ (NDI)
ខាងក្រោមនេះ គឺជាជីវប្រវត្តិសង្ខេបរបស់លោក Patrick Murphy ឧបការីរងនៃការិយាល័យកិច្ចការអាស៊ីបូព៌ានិងប៉ាស៊ីហ្វិក ៖
លោក W. Patrick Murphy គឺជាសមាជិកជាន់ខ្ពស់នៃការិយាល័យកិច្ចការអាស៊ីបូព៌ានិងប៉ាស៊ីហ្វិក ក្នុងនាមជាឧបការីរង។ ជាសមាជិកអាជីពនៃសេវាកម្មបរទេសជាន់ខ្ពស់ លោកធ្លាប់បម្រើការជាអនុប្រធានបេសកកម្មនិងជាភារធារីប្រចាំនៅប្រទេសថៃ (២០១៣-២០១៦) និងឡេសូថូ (២០០៦-២០០៨) ។
ការងារនៅរបស់លោក Murphy នៅមុនពេលមកបម្រើការនៅរដ្ឋធានីវ៉ាស៊ីនតោន រួមមាន ជាតំណាងពិសេសសទទួលបន្ទុកប្រទេសភូមា ជានាយក/នាយករងការិយាល័យអាស៊ីអាគ្នេយ៍ ជាទីប្រឹក្សានយោបាយសម្រាប់ក្រុមការងារប្រទេសហៃទី ហើយនិងជាមន្ត្រីប្រចាំការទទួលបន្ទុកប្រទេសភូមានិងឡាវ។ ចាប់តាំងពីចូលរួនបម្រើការនៅក្រសួងការបរទេស នៅឆ្នាំ១៩៩២ លោកក៏បានបំពេញការងារការទូតនៅក្រៅប្រទេស រួមមាន ប្ររទេសភូមា ចិន អ៊ីរ៉ាក់ ហ្គីណេ និងម៉ាលី។
លោក Murphy គឺជាអ្នកស្ម័គ្រចិត្តរបស់ទីភ្នាក់ងារ Peace Corps នៅប្រទេស Cameroon ។ លោកបានទទួលបរិញ្ញាបត្រជាន់ខ្ពស់ផ្នែករដ្ឋបាល (M.A) ពីសាកលវិទ្យាល័យ Johns Hopkins (SAIS) បរិញ្ញាបត្រជាន់ខ្ពស់ផ្នែកវិទ្យាសាស្ត្រ (M.S.) ពីមហាវិទ្យាល័យសង្គ្រាមជាតិ (បញ្ចប់ការសិក្សាថ្នាក់ឧត្តម) និង B.A. ពីសាកលវិទ្យាល័យ Vermont ។ លោកក៏បានសិក្សានៅវិទ្យាស្ថានអឺរ៉ុប នៅទីក្រុងនីស ប្រទេសបារាំង។
នៅមុនពេលចូលរួមក្នុងសេវាកម្មបរទេស លោក Murphy គឺជាសេដ្ឋវិទូខាងសម្រាប់មូលនិធិសត្វព្រៃពិភពលោក និងជាអ្នកវិភាគគោលនយោបាយសម្រាប់ក្រុមប្រឹក្សាអភិវឌ្ឍន៍ក្រៅប្រទេស។ ភាសាបរទេសដែលលោកអាចនិយាយបាន រួមមាន បារាំង អេស្ប៉ាញ ចិន និងភូមា៕ ដោយ៖បញ្ញាស័ក្តិ
