កំពង់ត្រឡាច ៖ នៅថ្ងៃសុក្រ ២កើត ខែស្រាពណ៍ ឆ្នាំកុរ ឯក សក័ ព.ស ២៥៦៣ត្រូវនឹងថ្ងៃទី០២ ខែសីហា ឆ្នាំ២០១៩ វេលាម៉ោង ១០:៤០នាទីនៅលើផ្លូវជាតិលេខ៥ ចន្លោះគីឡូម៉ែត្រលេខ ៤៩-៥០ ភូមិតាកុល ឃុំពានី ស្រុកកំពង់ត្រឡាច ខេត្តកំពង់ឆ្នាំង មានករណីគ្រោះថ្នាក់ចរាចរមួយកើតឡើង រវាងម៉ូតូម៉ាកហុងដាឌ្រីម C125 ពណ៌ខ្មៅ ពាក់ស្លាកលេខ ភ្នំពេញ 1C-9454 អ្នកបើកបរឈ្មោះ ធី ចាន់ថុល ភេទ ប្រុស អាយុ ១៧ឆ្នាំ ជនជាតិខ្មែរ នៅភូមិច្រករមៀត ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង បើកបរពីទិសខាងត្បូងឆ្ពោះទៅទិសខាងជើង និងរថយន្តម៉ាកISUZU ពណ៌ខៀវ ពាក់ស្លាកលេខ ភ្នំពេញ 3A-5577 អ្នកបើកបរមិនស្គាល់ឈ្មោះ និងអាសយដ្ឋាន បើកបរពីទិសខាងជើង ឆ្ពោះទៅទិសខាងត្បូង ក្នុងដំណើរបញ្ច្រាសទិសគ្នា។
ក្នុងបង្កការនេះគ្រោះថ្នាក់ថ្នាក់នេះ បណ្តាលឲ្យរងរបួសមនុស្ស ០១នាក់ប្រុស ធ្ងន់ (អ្នកបើកបរម៉ូតូម៉ាកហុងដាឌ្រីម ) ខូចម៉ូតូ ០១គ្រឿង ធ្ងន់ ខូចរថយន្ត ០១គ្រឿង ស្រាល ដែលបណ្ដាលមកពីកត្តាមនុស្ស (ជែងក្នុងស្ថានភាពគ្រោះថ្នាក់) និងអ្នកបើកបរម៉ូតូមិនពាក់មួកសុវត្ថិភាព។
វត្ថុតាងកម្លាំងជំនាញបានយកមករក្សាទុក នៅអធិការដ្ឋាននគរបាលស្រុកកំពង់ត្រឡាច ដើម្បីដោះស្រាយបន្តតាមនីតិវិធី ៕ ដោយ ៖ កូឡាប
