បាត់ដំបង ៖ រាជរដ្ឋាភិបាល តាមទីស្ដីការគណៈរដ្ឋមន្ត្រី បានចេញ សជណ ចំពោះករណីទំនាស់ដីធ្លី ដែលមានលក្ខណៈទារុណកម្ម រំលោភសិទ្ធិមនុស្ស ឃោរឃៅបំផុត ពីសំណាក់ឧកញ៉ា យោធា លឹម ទាឡេង លេីជនរងគ្រោះ ចាន់ ហឿ ក្រោយសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ពីគណបក្សខ្មែរក្រោក បានគាស់កកាយឡេីងវិញ យ៉ាងក្ដៅគគុក ធ្វេីអោយសំណុំរឿងកប់ចោលជាង១០ឆ្នាំ មានពន្លឺយុត្តិធម៌ ។
លោកវិល្លាម បានថ្លែងថា “ក្នុងនាមខ្ញុំ ជាអ្នកការពារផលប្រយោជន៍ប្រជាជន ខ្ញុំរំភេីបនិងអបអរសាទរ ចំពោះវិធានការដ៏ខ្ពង់ខ្ពស់របស់សម្ដេចអគ្គមហាសេនាបតីតេជោហ៊ុន សែន” ។
យោងតាមលិខិតរបស់ ទីស្តីការគណៈរដ្ឋមន្ត្រីដែលធ្វើឡើងនៅរាជធានីភ្នំពេញ ថ្ងៃទី ៣១ ខែកក្កដា ឆ្នាំ២០១៩ ឧបនាយករដ្ឋមន្ត្រីប្រចាំការរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានជម្រាបជូន លោកឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានអាជ្ញាធរជាតិដោះស្រាយទំនាស់ដីធ្លី ក្នុងកម្មវត្ថុ ៖ ករណីរបាយការណ៍សង្ខេបអំពីលទ្ធផលស្រាវជ្រាវ របស់ប្រធានប្រតិភូគណបក្សខ្មែរក្រោក
តបតាមការស្នើសុំរបស់ប្រជាពលរដ្ឋ រឿងទំនាស់ដីធ្លី ជាមួយនឹងការបំភ្លៃអង្គហេតុ ដើម្បីឃុំខ្លួន និងការធ្វើទារុណកម្មលើបុគ្គល។
ការចេញលិខិតនេះ យោងតាមលិខិតលេខ៣៨១/១៩ ចុះថ្ងៃទី១០ ខែមិថុនា ឆ្នាំ២០១៩ របសំលេខាធិការដ្ឋានឧត្តមក្រុមប្រឹក្សាពិគ្រោះនិងផ្តល់យោបល់ ចំណារដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចុះថ្ងៃទី១៦ ខែកក្កដា ឆ្នាំ២០១៩។
សេចក្តីដូចមានចែង ក្នុងកម្មវត្ថុនិងយោងខាងលើ ទីស្តីការគណៈរដ្ឋមន្ត្រីសូមជម្រាបជូន ឯកឧត្តម ឧបនាយករដ្ឋមន្ត្រី ជ្រាបថា ករណីទំនាស់ដីធ្លីជាមួយ នឹងការបំភ្លៃអង្គហេតុដើម្បីឃុំខ្លួន និងការធ្វើទារុណកម្ម
លើបុគ្គល ស្ថិតនៅភូមិសាស្ត្រ ឃុំព្រះគុស ស្រុកគាស់ក្រឡ ខេត្តបាត់ដំបង ដែលបានលើកឡើងដោយ
ប្រធានប្រតិភូ គណបក្សខ្មែរក្រោក រាជរដ្ឋាភិបាលឯកភាព ប្រគល់ជូនអាជ្ញាធរជាតិដោះស្រាយទំនាស់ដីធ្លី
ពិនិត្យដោះស្រាយ ។ អាស្រ័យដូចបានជម្រាបជូនខាងលើ សូមឯកឧត្តមឧមនាយករដ្ឋមន្ត្រី ចាត់ចែងអនុវត្តទៅ។
សូមបញ្ជាក់ថា ករណីឧកញ៉ា លឹម ទាឡេង ប្រើអំណាចប្លន់ដី និងប្រើហិង្សាទៅលើម្ចាស់ដី ដែលសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោក ប្រកាសបេីកសំណុំរឿងវិញ ក្រោយពីជនរងគ្រោះរងនូវភាពអយុត្តិធម៌ជាង១០ឆ្នាំ ដោយឯកឧត្តមវិល្លាម ប្ដេជ្ញាត្រូវយកយុត្តិធម៌មកវិញ ព្រោះកម្ពុជាជាប្រទេស នីតិរដ្ឋ ប្រជាធិបតេយ្យ ដែលមិនអនុញ្ញាត ឲ្យជនណាប្រេីអំណាចជិះជាន់ ប្រេីអំពេីយ៉ង់ឃ្នងលេីពលរដ្ឋ ដូចសត្វតិរច្ឆាននោះឡេីយ។
ជាលទ្ធផលរហូតមកដល់ថ្ងៃនេះ យើងទទួលបានផលហើយ ទីស្ដីការគណៈរដ្ឋមន្ត្រីចាត់ឲ្យ លោក ជា សុផារ៉ា ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដោះស្រាយហើយ។
បើតាមលិខិត លេខ ១០៩០ សជណ ពីទីស្ដីការគណៈរដ្ឋមន្ត្រី ចុះថ្ងៃទី ៣១ ខែកក្កដា ឆ្នាំ ២០១៩ ចំណារដ៏ខ្ពស់ខ្ពស់បំផុតរបស់សម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា សូមជម្រាបជូន ឯកឧត្តមឧបនាយករដ្ឋមន្ត្រី ជ្រាបថា ករណីទំនាស់ដីធ្លីជាមួយនឹងការបំភ្លៃអង្គហេតុដើម្បីឃុំខ្លួន និងការធ្វើទារុណកម្មលើបុគ្គល ស្ថិតនៅភូមិសាស្ត្រ ឃុំព្រះផុស ស្រុកគាស់ក្រឡ ខេត្តបាត់ដំបង ដែលបានលើកឡើងដោយប្រធានប្រតិភូគណបក្សខ្មែរក្រោក រាជរដ្ឋាភិបាល ឯកភាពប្រគល់ជូនអាជ្ញាធរជាតិ ដោះស្រាយទំនាស់ដីធ្លីពិនិត្យដោះស្រាយ។
សូមជម្រាបជូនថា លក្ខណៈទារុណកម្ម រំលោភសិទ្ធិមនុស្ស ឃោឃៅបំផុត ពីសំណាក់ឧកញ៉ា យោធា លឹមទាឡេង លេីជនរងគ្រោះ ចាន់ ហឿ ដែលក្រុមការងារយេីងខ្ញុំ បានចុះជួបជនរងគ្រោះនៅភូមិកុយវែង ឃុំព្រះផុស ស្រុកគាស់ក្រឡ ខេត្តបាត់ដំបង កាលពីថ្ងៃទី ១១ ខែ ឧសភា ឆ្នាំ២០១៩ ក្រោយជនរងគ្រោះស្រវ៉េស្រវ៉ា ដាក់ពាក្យបណ្ដឹងរត់រកឲ្យយេីងខ្ញុំជួយ ខណៈជនរងគ្រោះ អះអាងថាត្រូវបានគេរំលោភដី ព្យាបាទផ្លូវចិត្ត រត់រកយុត្តិធម៌គ្រប់ជាន់ថ្នាក់តែគ្មានពន្លឺ ថ្នាក់លេីអាណិត ថ្នាក់ជាតិខំជួយ ថ្នាក់ក្រោមភូតភឃុបឃិត បិទបាំង ជួយអ្នកមានអំណាច មិនខ្វល់ទឹកភ្នែកអ្នកក្រ ។
សំណុំរឿងនេះនឹងត្រូវលាតត្រដាងមកវិញ ក្រោយអយុត្តិធម៌ជាង១០ឆ្នាំ ករណីនេះយេីងខ្ញុំពិនិត្យឃេីញថា ជនរងគ្រោះធ្លាប់បានតវ៉ា តស៊ូគ្រប់ស្ថាប័ន ដេីម្បីរកយុត្តិធម៌ ដូចនេះមិនថាគាស់ជីកទេ ទោះត្រូវជីកដីស្រាវជ្រាវដល់ឋាននរក ក៏យេីងខ្ញុំត្រូវយកយុត្តិធម៌មកវិញដែរ ព្រោះកម្ពុជាជាប្រទេស នីតិរដ្ឋ ប្រជាធិបតេយ្យ ដែលមិនអនុញ្ញាតឲ្យជនណាប្រេីអំណាចជិះជាន់ ប្រេីអំពេីយ៉ង់ឃ្នងលេីពលរដ្ឋដូចសត្វតិរច្ឆាននោះឡេីយ។
លោកបានបញ្ជាក់ទៀតថា ករណីនេះ យេីងខ្ញុំបានចុះដល់ទីតាំងទំនាស់ ទទួលបានតម្រុយភស្តុតាង ពិនិត្យឃេញលិខិតគតិយុត្តិដែលជា ភស្តុតាងរឹងមាំ ដេីម្បីបង្ហាញថា ជនរងគ្រោះ គឺពិតជារងគ្រោះ យេីងខ្ញុំពិនិត្យឃេីញលិខិតបទដ្ឋានគតិ ដែលរំលេចភាពមិនប្រក្រតី របស់អាជ្ញាធរថ្នាក់ក្រោមជាតិ ដែលធ្វេីខុសច្បាប់និងនីតិវិធី ទទួលបានចម្លេីយគ្រប់គ្រាន់ សម្រាប់កសាងឯកសារ បេីកសំណុំរឿងនេះជាថ្មី រកយុត្តិធម៌ឲ្យជនរងគ្រោះ ។ ករណីនេះនឹងត្រូវចាត់ទុក ជាករណីពិសេស ហេីយត្រូវតាមដាន ស្រាវជ្រាវជាបន្តបន្ទាប់ ដេីម្បីដាក់លេីតុ ក្នុងកិច្ចប្រជុំជាមួយសម្ដេច អគ្គមហាសេនាបតីតេជោ ហ៊ុន សែន ក្នុងកិច្ចប្រជុំឆមាសទី២ នៃឧត្តមក្រុមប្រឹក្សាពិគ្រោះ និងផ្ដល់យោបល់ នាពេលខាងមុខនេះ។
សមាជិកឧត្តមក្រុមប្រឹក្សាពីគណបក្សខ្មែរក្រោក សូមអំពាវនាវ ដល់អាជ្ញាធរគ្រប់ជាន់ថ្នាក់ សូមអនុវត្តន៍ តាមការណែនាំរបស់ សម្ដេចតេជោ ដែលលោកពុំគាំទ្រឲ្យមានការចាប់ខ្លួន ពលរដ្ឋរូបណា ដាក់គុកច្រវ៉ាក់ ព្រោះបញ្ហាដីធ្លីនោះឡេីយ ។
គូសបញ្ជាក់ជូនថា កាលល្ងាចថ្ងៃទី២៦ ខែឧសភា ឆ្នាំ២០១៩នេះ លោក វិល្លាមបានបង្ហាញ សំឡេងរបស់ ឧត្តមសេនីយ៍ឧកញ៉ា លឹម ទាឡេង ដែលអះអាងច្បាស់ៗថា « សម្ដេចក៏គាត់មិនខ្លាចដែរ » ពាក់ព័ន្ធករណីដីធ្លី។
គាត់អះអាងបែបនេះចង់សំដៅថា ទោះខ្ញុំ(ឯកឧត្តមវិល្លាម) បញ្ជូនសំណុំរឿងវិវាទដីធ្លី ដ៏ឃោរឃៅលេីពលរដ្ឋ៣៨គ្រួសារ ជាករណីដីធ្លីពលរដ្ឋធ្លាប់ជាប់គុក២ដង និងពេលឈឺគេចាប់ដាក់ច្រវ៉ាក់ ហេីយជាករណីពាក់ព័ន្ធនឹងឧកញ៉ារូបនេះ ទៅដល់សម្ដេចតេជោ ក៏គាត់មិនខ្លាចដែរ ។
លោកថា សំឡេងសន្ទនានេះ ថតបានពេលលោកឧកញ៉ានេះ ទាក់ទងតាមទូរស័ព្ទមកកាន់លេខាខ្ញុំ (ឯកឧត្តមវិល្លាម) ហេីយគាប់ជួន មានគេខលទៅគាត់ តាមទូរស័ព្ទមួយទៀត គាត់សន្ទនានឹងគេ ដោយភ្លេចបិទទូរស័ព្ទជាមួយខាងលេខាខ្ញុំ ៕ ដោយ៖កូឡាប
