ប្រធានាធិបតីអាមេរិច ដូណាល់ ត្រាំ បាននិយាយថា គាត់នឹងធ្វើការយកពន្ធចំនួន ១០ភាគរយ ទៅលើទំនិញនាំចូលពីចិនដែលមានតម្លៃជាទឹកប្រាក់ ៣០០ពាន់លានដុល្លារ។
ការប្រកាសដាក់ពន្ធថ្មីសម្រាប់ផលិតផលចិននេះកើតឡើងក្រោយពេលកិច្ចចរចារពាណិជ្ចកម្មរវាង ប្រទេសមហាអំណាច ទាំងពីរហាក់មិនសូវអោយផ្លែផ្កា។
ការកំណត់ពន្ធថ្មីនោះនឹងចូលជាធរមាន នៅថ្ងៃទី ១ខែកញ្ញា ហើយវានឹងគ្រប់ដណ្តប់លើផលិតផលចិន ទាំអអស់ដែលនាំចូលអាមេរិច។
រដ្ឋមន្រ្តីការបរទេសចិនលោក Wang Yi បានរិះគន់ចំបោះវិធានការរបស់អាមេរិច ដោយលោកលើកឡើងថា ការបន្ថែមពន្ធវាមិនមែនជាវិធីស្ថាបនាក្នុងការដោះស្រាយជម្លោះពាណិជកម្ម និងសេដ្ឋកិច្ចនោះទេ។
លោក ដូណាល់ ត្រាំ បានប្រកាសពីគម្រោងយកពន្ធលើផលិតផលចិននៅលើបណ្តាញសង្គម Twitter របស់លោក ខណៈដែលលោកដាក់គោលលើចិន ដោយសារចិនមិនគោរពការសន្យារបស់ខ្លួនក្នុងការទិញផលិផលកសិកម្មអាមេរិចឲ្យច្រើន នៅក្នុងកំឡុងកិច្ចចរចារកាលពីសប្តាហ៍មុន នៅទីក្រុងសៀងហៃ។
លោកត្រាំ ថ្លែងប្រាប់អ្នកសារពត៌មានបន្ថែមថា ការយកពន្ធ ១០ភាគរយគឺជាវិធានការរយៈពេលខ្លីប៉ុណ្ណោះ ហើយពន្ធនោះអាចនឹងដកវិញ ដើម្បីកំណត់ពន្ធថ្មីដែលអាចមានច្រើនជាង ២៥ភាគរយ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC