តាកែវ៖ ពលរដ្ឋជាច្រើនរស់នៅក្នុងខេត្តតាកែវ បាននាំគ្នាឆ្ងល់ថា សកម្មភាពជីកកកាយយកអាចម៍ដី គ្មានច្បាប់ជាច្រើនកន្លែង និងមានរយៈពេលរាប់ខែមកហើយ តែបែរជាមន្ទីរជំនាញរ៉ែនិងថាមពលខេត្តតាកែវ គ្មានរសើបអ្វីបន្តិចសោះ ឬមួយត្រូវថ្នាំគេហើយទេដឹង បានសម្ងំធ្វើជាមិនដឹងអ្វីសោះ ឬមួយលោក ផេង វុធ ប្រធានមន្ទីររ៉ែនិងថាមពលនោះ ជាមន្ត្រីជើង១០។
ក្នុងនោះ ក៏មានមន្ត្រីរាជការមួយរូបក្នុងស្រុកបាទី សូមមិនបញ្ចេញឈ្មោះ បានបង្ហើបឲ្យដឹងដែរថា ក្នុងករណីដែលអាជ្ញាធរស្រុកបាទី ឆ្មក់ចុះពិនិត្យរណ្តៅដីនៅក្នុងព្រៃភ្នំតាម៉ៅ កាលពីរសៀលថ្ងៃទី២ ខែសីហានេះ ត្រូវបានគេដឹងថា មានអធិការកិច្ចជំនាញរបស់មន្ទីររ៉ែនិងថាមពល បានចុះមកពិនិត្យមើលទីតាំងរណ្តៅដីនោះ ២ ទៅ ៣ដងមកហើយ តែបែរជាឈ្មួញប្រព្រឹត្តបានយ៉ាងរលូន ទាំងខ្លួនមិនមានច្បាប់ទម្លាប់ទៅវិញ ៕ ដោយ៖តាកែវ
