កំពង់ស្ពឺ៖ បញ្ជារដ្ឋានកងរាជអាវុធហត្ថខេត្តកំពង់ស្ពឺ បានឲ្យដឹងថា ថ្ងៃទី០៤ ខែសីហា ឆ្នាំ២០១៩ នៅជាប់ផ្លូវលេខ៥១ ស្ថិតនៅភូមិអំពឹលរូង ឃុំព្រះស្រែ ស្រុកឧដុង្គ ខេត្តកំពង់ស្ពឺ កម្លាំងកងរាជអាវុធហត្ថមូលដ្ឋានស្រុកឧដុង្គ សំរោងទង នឹង កម្លាំងនៃមន្ទីរយុត្តិធម៌ ដឹកនាំកម្លាំងដោយលោកវរសេនីយ៏ទោ ទិត្យ វណ្ណៈ ប្រធានមន្ទីរយុត្តិធម៏ ដោយបានធ្វេីការសម្របសម្រួល ពីលោកស្រី ចាត សូរស្មី ព្រះរាជអាជ្ញាអមសាលាដំបូងខេត្តកំពង់ស្ពឺ បានឃាត់ខ្លួន ជនសង្ស័យចំនួន០៥នាក់ពីបទឆបោក ។
កម្លាំងសមត្ថកិច្ចកងរាជអាវុធហត្ថខេត្តកំពង់ស្ពឺ សហការជាមួយម្ចាស់ដីស្របច្បាប់ ឃាត់ខ្លួន ក្រុមឆបោកដើរចង្អុលដីគេលក់ ចំនួន៥នាក់ មានស្រីម្នាក់ ដែលតាំងខ្លួនជាម្ចាស់ដី ហើយដើរចង្អុលដីគេលក់យកប្រាក់កក់ បានចំនួន៥ម៉ឺនដុល្លារ។
សូមពុកម៉ែបងប្អូនមេត្តាប្រុងប្រយ័ត្ន សូមស្វែងយល់ឲ្យបានច្រើន។
ជនសង្ស័យចំនួន០៥នាក់ មានឈ្មោះ ដូចខាងក្រោម ៖ ទី១ឈ្មោះ នួន វណ្ណា ភេទប្រុស អាយុ៤១ឆ្នាំ មុខរបរបុគ្គលឹកក្រុមហ៊ុន សុខរដ្ឋា អចលទ្រព្យ មានទីលំភូមិជេីងស្រុក ឃុំជង្រុក ស្រុកគងពិសី ខេត្តកំពង់ស្ពឺ,ទី២ឈ្មោះ តន់ សុផាន់ណានិន ភេទស្រី អាយុ៣៥ឆ្នាំ មុខរបរកម្មករ រោងចក្រ មានទីលំនៅភូមិព្រៃភក្តី ឃុំព្រៃពួច ស្រុកអង្គស្នួល ខេត្តកណ្តាល,ទី៣ឈ្មោះ ភោគ សានិន ភេទប្រុសអាយុ៥៩ឆ្នាំ មុខរបរមិនពិតប្រាកដមានទីលំនៅភូមិកំបូល សង្កាត់កំបូលខណ្ឌកំបូល រាជធានីភ្នំពេញ,ទី៤ឈ្មោះ ច្រឹក ចិត្រា ភេទប្រុស អាយុ៣៨ឆ្នាំ មុខរបរលក់ដូរ មានទីលំនៅភូមិភ្នំពេញថ្មី សង្កាត់គោកឃ្លាងខណ្ឌសែនសុខ រាជធានីភ្នំពេញ,ទី៥ឈ្មោះ ហ៊ាង អេងទ្រី ភេទប្រុសអាយុ៣២ឆ្នាំ មុខរបរមិនពិតប្រាកដមានទីលំនៅភូមិត្រពាំងជេីងស្រុកសង្កាត់ក្រាំងធ្នង់ ខណ្ឌសែនសុខរាជធានីភ្នំពេញ ។
កម្លាំងបានដកហូត វត្ថុតាង សម្ភារមាន៖ ១–ប្រាក់ដុល្លារ ចំនួន៥ម៉ឺនដុល្លារ។ ២–អត្តសញ្ញាណបណ្ណ័០៤សន្លឹក ។៣–កិច្ចសន្យាកក់ប្រាក់០១សន្លឹក។ ៤–លិខិតប្រគល់ ទទួលប្រាក់០១ សន្លឹក +លិខិតក្រុមហ៊ុន សុខរដ្ឋា ខេមបូឌារប្រជីធី អុិនវេសមុិនឯ.ក ០១សន្លឹក។ ៥–ឯកសារដី០១ច្បាប់ =០៦សន្លឹកទំហំដី ១៧៥២៥៦ម៉ែត្រការ៉េ ស្ថិតនៅភូមិប្រកិល ឃុំព្រះស្រែ ស្រុកឧដុង្គ ខេត្តកំពង់ស្ពឺ។ ៦–រថយន្ត០១គ្រឿង ម៉ាកហាយឡិនដឺ ពណ៏ស សេរី២០០១ ស្លាកលេខ ភ្នំពេញ.2Z.2321 ។ ៧–ទូរស័ព្ទ ដៃ០៨គ្រឿង ។
បច្ចុប្បន្នជនសង្ស័យវត្ថុតាងសម្ភារៈទាំងអស់ បានបញ្ជូនមកបញ្ជាការដ្ឋានកងរាជអាវុធហត្ថខេត្តដេីម្បីអនុវត្តតាមនីតិវិធីច្បាប់ ៕ ដោយ៖កូឡាប
