ប្រធានាធិបតីអាមេរិច បានធ្វើបានធ្វើការថ្កោលទោសការបាញ់ប្រហារកាលពីចុងសប្តាហ៍ទៅនេះ ដែលបណ្តាលឲ្យមនុស្សចំនួន ២៩នាក់បាត់បង់ជីវិត។
ការថ្កោលទោសកើតឡើងក្រោយពេលមានការរិះគន់ និងចោទប្រកាន់ថាលោកមានទំនួសខុសត្រូវខ្លះ។
ការវាយប្រហារនៅហាង Walmart ក្នងរដ្ឋ Texas បណ្តាលឲ្យមនុស្សស្លាប់ ២០នាក់ និងការបាញ់ប្រហារមួយកន្លែងទៀតនៅទីក្រុង Dayton ក្នុងរដ្ឋ Ohio បណ្តាលឲ្យមនុស្ស ៩នាក់ស្លាប់។
លោក ដូណាល់ ត្រាំ បានថ្លែងថា “ប្រហែលមានរឿងជាច្រើនដែលយើងត្រូវធ្វើ ដើម្បីបញ្ឈប់ការវាយប្រហារទាំងនោះ”។
ប៉ុន្តែអ្នករិះគន់បាននិយាយថា លោកត្រាំ ជាផ្នែកមួយនៃបញ្ហាខាងលើ ដោយលើកឡើងពីសំដីរបស់លោកត្រាំប្រឆាំងនឹងជនអន្តោប្រវេសន៍ និងការប្រឆាំងច្បាប់គ្រប់គ្រងកាំភ្លើង។
សូមបញ្ជាក់ថា បុរសវ័យ ២១ឆ្នាំម្នាក់ ត្រូវបានចាប់ខ្លួនក្នុងហេតុការណ៍បាញ់ប្រហារកាលពីថ្ងៃសៅរិ៍ ក្នុងរដ្ឋ Texas។ មុនពេលវាយប្រហារ បុរសរូបនោះត្រូវបានគេជឿជាក់ថា បានបង្ហោះឯកសារអនឡាញនៃសេចក្តីប្រកាសប្រឆាំងអន្តោប្រវេសន៍។
ចំពោះមូលហេតុដែលបណ្តាលឲ្យបុរសនៅក្នុងរដ្ឋ Ohio ធ្វើការបាញ់ប្រហារកាលពីថ្ងៃអាទិត្យ នៅមិនទាន់ដឹងច្បាស់នៅឡើយទេ។ ខ្មាន់កាំភ្លើងរូបនោះ បានបាញ់សម្លាប់បងស្រីរបស់ខ្លួន និងមនុស្ស ៨នាក់ផ្សេងទៀត មុនពេលត្រូវប៉ូលីសបាញ់សម្លាប់។
ថ្លែងនៅកាន់អ្នកសារព័ត៌មាន លោកដូណាល់ ត្រាំបញ្ជាក់ថា “ការបាញ់ប្រហារទ្រង់ទ្រយធំត្រូវតែបញ្ឈប់”។
“បញ្ហានេះវាបាកកើតឡើងជាច្រើនឆ្នាំមកហើយក្នុងប្រទេសយើង ហើយពួកយើងត្រូវតែធ្វើរឿងបញ្ឈប់វា”។
អត្ថបទប្រែសម្រួលដោយ៖ សុភ័ក្រ
ប្រភព៖ BBC