ភ្នំពេញ៖ បែកធ្លាយរឿងអាស្រូវកេរ្តិ៍ និងរូបភាពជាច្រើនសន្លឹក លួចលាក់រួមមេត្រីជាមួយស្រីស្នេហ៍ ស្រាប់តែនាពេលថ្មីៗនេះ ព្រះចៅអធិការវត្តពោធិ៍ចិនតុង បានគេចព្រះកាយពីវត្តបាត់ហើយ។
ការបាត់ព្រះកាយព្រះអង្គ បានកើតឡើងក្រោយពេលដែលអាជ្ញាធរ និងមន្ដ្រីជំនាញ បានបើកការប្រជុំបន្ទាន់មួយ ក្រោយមានការបែកធ្លាយរូបភាពមិនប្រក្រតី នៅលើបណ្តាញសង្គមហ្វេសប៊ុក ពាក់ព័ន្ធនឹងព្រះចៅអធិការវត្តពោធិ៍ចិនតុង និងស្រីស្នេហ៍។
នៅក្នុងកិច្ចប្រជុំនោះ ព្រះចៅអធិការវត្តពោធិ៍ចិនតុង និងស្ត្រីដែលឃើញនៅក្នុងរូបថតជាមួយព្រះអង្គ បានបដិសេធដូចគ្នាថា ជារូបកាត់ត ខណៈមជ្ឈដ្ឋានជាច្រើនមិនបានជឿនោះឡើយ។
ស្រាប់តែនៅថ្ងៃទី៥ សីហា ២០១៩ គណនីហ្វេសប៊ុកឈ្មោះ Jou Mary ដែលត្រូវបានគេស្គាល់ថាជា ស្រីស្នេហ៍ព្រះចៅអធិការអង្គនោះ បានបង្ហោះសារថា អូនជាអ្នកទិញអោយបង បងថាស្រឡាញ់អាវនឹងឆាតអោយអូនទិញអោយតែឡូវមិចក៏បងធ្វើដាក់អូនចឹងអូនលែងមានន័យសម្រាប់បងហើយ ពេលចប់រឿងបានសឹកបងបោះបង់អូនចោល ព្រោះជឿគ្រួសារបង ។
សូមអានខ្លឹមសាររបស់សាម៉ីខ្លួនខាងស្រីបង្ហោះនៅលើ Facebook Jou Mary ៖ “អូនជាអ្នកទិញអោយបង បងថាស្រឡាញ់អាវនឹងឆាតអោយអូនទិញអោយទុកពាក់ពេលបងសឹកទៅតែឡូវមិចក៏បងធ្វើដាក់អូនចឹងអូនលែងមានន័យសំរាប់ហើយមែនបង អគុណគ្រប់យ៉ាងសំរាប់កាបោកប្រាស់ អគុណព្រំលិខិតដែលធ្វើបាពខ្ញុំ កំសត់កំរជាមួយគ្នាជិតមួយឆ្នាំមានទាំងផ្អែមបានទាំងជូរចត់ ដោះស្រាយបង្ហារជាមួយគ្នា ពេលចប់រឿងបានសឹកបងបោះបង់អូនចោល ព្រោះជឿគ្រួសារបង អគុណមេរៀនជីវិត”៕ ដោយ៖កូឡាប
