ក្នុងផេកហ្វេសប៊ុកបវរកញ្ញាកម្ពុជា បានបង្ហោះសារជាមួយនឹងរូបថតជាច្រើន របស់កញ្ញានៅ គីមមួយ ថតជាមួយតារាប្រុសម្នាក់ដែលមិនបង្ហាញអត្តសញ្ញាណ ។ ខ្លឹមសារ ៖ រូបថតសិល្បៈ របស់តារាកម្ពុជា
បើយើងមិនឈានដើរ ធ្វើម្ដេចរាប់បានជំហានទីមួយ?
បើអ្នក ជាអ្នកប្រកាន់រឿងវប្បធម៌ ឬជាអ្នកវប្បធម៌ជ្រុលនិយម សូមមេត្តាអូសរំលងដោយក្ដីអនុគ្រោះផងចុះ! កុំខមិនដោយខ្វះភាពថ្លៃថ្នូរអី! គួរចេះបែងចែក ថាអ្វីជារូបភាពបែបសិល្បៈ។
ទោះយ៉ាងណាជាមួយនឹងករណីខាងលើនេះ លោកហេង ឡុង ដែលជាស្វាមីរបស់អ្នកនាងចនច័ន្ទលក្ខិណា ប្រធានសមាគមសិល្បៈ បានថ្លែងថា ក្នុងនាមខ្ញុំបាទជាសមាជិកក្រុមប្រឹក្សាពិន័យ និងលើកសរសើរ របស់ក្រសួងវប្បធម៌ និងជាប្រធានក្រុមប្រឹក្សាភិបាលរបស់ សមាគមសិល្បករខ្មែរ សំណូមពរឱ្យតារាបង្ហាញម៉ូដ នៅ គីមមួយ លុបរូបដែលបានផុសថ្មីៗនេះ ចេញពីបណ្ដាញសង្គម ពីព្រោះធ្វើឲ្យប៉ះពាល់ដល់សីលធម៌ និងវប្បធម៌ខ្មែរយ៉ាងខ្លាំង៕ ដោយ៖កូឡាប
