ក្រុងសៀមរាប: អធិការដ្ឋាននគរបាលក្រុងសៀមរាប ម៉ូតូដែលកែច្នៃដាក់បំពង់ស៊ឺម៉ាំងបំពងសំឡេងឮប្រែនៗខ្លាំងៗ ពេលជិះតាមផ្លូវ មិនត្រូវបានគេនិយាយសរសើរឡើយ ឈប់បាន ឈប់ទៅ ក្មួយៗ ប្អូនៗ អើយ។
នៅព្រឹកថ្ងៃទី ៦ ខែសីហា ឆ្នាំ២០១៩នេះ បន្ទាប់ពីទទួល បានសេចក្តីរាយការណ៍ ពីបងប្អូនប្រជាពលរដ្ឋ ក្នុងភូមិ និងដោយមានការឯកភាព ពីលោកវរសេនីយ៍ឯកណុប សារ៉ាក់ អធិការនៃអធិការដ្ឋាននគរបាលក្រុងសៀមរាប កម្លាំងនគរបាលប៉ុស្តិ៍រដ្ឋបាលសង្កាត់ស្រង៉ែ បានឃាត់ និងធ្វើការអប់រំណែនាំ ម្ចាស់ម៉ូតូ១គ្រឿង ដែលបំពាក់ បំពង់ស៊ឺម៉ាំង ខុសបច្ចេកទេស នៅភូមិកសិកម្ម សង្កាត់ ស្រង៉ែ ក្រុង សៀមរាប ឲ្យយកបំពង់ស៊ឺម៉ាំងដើម មកបំពាក់តាមលក្ខណៈបច្ចេសទេសដើមវិញ ។
យុវជនជាម្ចាស់ម៉ូតូ ខាងលើនេះ បន្ទាប់ពី មន្ត្រីនគរបាលមូលដ្ឋានយើង បានធ្វើការអប់រំណែនាំ ហើយសាមីខ្លួនបានយក បំពង់ស៊ឺម៉ាំងដើម មកបំពាក់តាមលក្ខណៈបច្ចេសទេសដើមវិញហើយនោះ ត្រូវបានអញ្ញាតឲ្យត្រឡប់ទៅផ្ទះវិញហើយរួមជាមួយម៉ូតូផងដែរ ។
សូមជម្រាបថា សកម្មភាពខាងលើនេះ នឹងត្រូវបាន មន្ត្រីនគរបាលក្រុងសៀមរាប អនុវត្តន៍ជាប្រចាំ ដើម្បីឆ្លើយតបតាមសំណូមពររបស់បងប្អូនប្រជាពលរដ្ឋ នៅក្នុងមូលដ្ឋានផងដែរ៕ ដោយ៖កូឡាប