ខេត្តស្វាយរៀង៖ស្ត្រីវ័យ៦៣ឆ្នាំម្នាក់បានស្លាប់ខណៈដែលក្រុមគ្រួសារដឹកបញ្ជូនដល់ដោយសារវង្វេងភ្លេចភ្លាំងយកថ្នាំខ្មៅលាបសក់យកមកផឹកបណ្តាលពុលប្រកាច់ស្លាប់។
ករណីនេះបានកើតឡើងកាលពីវេលាម៉ោង៩និង១៥នាទីថ្ងៃទី៦ ខែសីហា ឆ្នាំ២០១៩នៅផ្ទះរបស់ខ្លួនស្ថិតក្នុង ភូមិថ្មី ឃុំសំបួរ ស្រុក ស្វាយទាប ខេត្ត ស្វាយរៀង។
យោងតាមសត្ថកិច្ចបានឲ្យដឹងថា៖ នៅមុនពេលកើតហេតុកូនរបស់គាត់ បានយកថ្នាំលាបសក់ចាក់ដាក់ចាន ហើយយកទៅទុកលើទូ តែមិនដឹងថាយ៉ាងមេចទេ ស្រាប់តែគាត់យកថ្នាំដាក់នៅលើទូយកមកផឹកអស់។
ប្រភពបានបន្តទៀតថា៖ ក្រោយពីជនរងគ្រោះផឹកថ្នាំលាបសក់រួចមកថ្នាំចាប់ផ្តើមធ្វើទុកប្រកាច់ បែកពពុះមាត់ ពេលនោះដែលកូនចៅក្រុមគ្រួសារដឹង ក៏បានបញ្ជូនគាត់ទៅសង្គ្រោះនៅមន្ទីពេទ្យស្រុកស្វាយទាប ។ ប្រភពបញ្ជាក់ទៀតថា៖ ដោយស្ថានភាពរបស់អ្នកជំងឺធ្ងន់ធ្ងរពេក មន្ទីរពេទ្យស្រុកស្វាយទាប បានបញ្ជូនបន្តទៅមន្ទីរពេទ្យខេត្តស្វាយរៀង។ ពេលដែលទៅដល់មន្ទីរខេត្តស្វាយរៀង ក្រុមគ្រូពេទ្យពិនិត្យហើយបានប្រាប់ថា គាត់បានស្លាប់ហើយ។ ហើយជនរងគ្រោះដែលបានស្លាប់ដោយសារផឹកថ្នាំលាបសក់នោះមានឈ្មោះ គង់ ម៉ាន់ អាយុ៦៣ឆ្នាំ មុខរបរកសិករ មានទីលំនៅភូមិឃុំខាងលើ ។
បន្ទាប់ពីទទួលបានព័ត៌មានសមត្ថកិច្ចចុះដល់កន្លែង និងពិនិត្យឃើញថា ឈ្មោះ គង់ ម៉ាន់ ពិតជាបានផឹកថ្នាំអ៊ុតសក់បណ្តាលឲ្យស្លាប់ពិតប្រាកដមែន៕ ដោយ៖ វ៉ៃកូ