មណ្ឌលគិរី៖ នាយឧត្តមសេនីយ៍ សៅ សុខា បានបញ្ជាឲ្យសមត្ថកិច្ច ធ្វើការបំផ្ទុះកម្ទេចរថយន្តវេអងជាងម្ភៃគ្រឿង ត្រួតពិនិត្យរថយន្តបាកុង ដែលកម្លាំងបង្ក្រាបបានជាងម្ភៃគ្រឿង ដែលក្រុមការងារបានកាត់ជាកំណាត់ៗរួចរាល់ ត្រៀមធ្វើការបំផ្ទុះជាមួយម្សៅ TNT ដើម្បីបំផ្លាញចោល។
លោកអេង ហ៊ី អ្នកនាំពាក្យគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ បានថ្លែងថា កាលពីម្សិលមិញនេះ (ថ្ងៃអង្គារ ទី៦ ខែសីហា ឆ្នាំ២០១៩) រយៈពេលពេញមួយថ្ងៃ លោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាអាវុធហត្ថលើផ្ទៃប្រទេស និងជា ប្រធានគណៈកម្មការជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិ បានដឹកក្រុមការងារអន្តរក្រសួង និងស្ថាប័នចម្រុះ
ដែលមានការពាក់ព័ន្ធ អញ្ជើញចុះត្រួតពិនិត្យដោយផ្ទាល់ នូវការបង្ក្រាបបទល្មើសព្រៃឈើ ដែលក្រុមការងារបានបង្ក្រាបជាបន្តបន្ទាប់ នាពេលកន្លងទៅរួមមាន៖ ការឃាត់រថយន្តវេអងជាងម្ភៃគ្រឿង ត្រួតពិនិត្យរថយន្តបាកុង ដែលកម្លាំងបង្ក្រាបបានជាងម្ភៃគ្រឿង ដែលក្រុមការងារបានកាត់ជាកំណាត់ៗរួចរាល់ ត្រៀមធ្វើការបំផ្ទុះជាមួយម្សៅ TNT ដើម្បីបំផ្លាញចោល និងចុះត្រួតពិនិត្យក្រុមហ៊ុនដីសម្បទានសេដ្ឋកិច្ចមួយចំនួន នៅក្នុងស្រុកកោះញែក ខេត្តមណ្ឌលគិរី ៕ ដោយ:កូឡាប