បាត់ដំបង ៖ ក្រុមប្រតិបត្តិការសមត្ថកិច្ចចម្រុះជាច្រើនអង្គភាព ដឹកនាំដោយលោកទេសរដ្ឋមន្ដ្រី គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ កំពុងជួយសង្គ្រោះបុរសម្នាក់ដែលរអិលជើងធ្លាក់គាបជាប់ក្នុងរូងថ្ម នៃភ្នំហុង ស្រុកភ្នំព្រឹក ខេត្តបាត់ដំបង។
ពាក់ព័ន្ធករណីនេះ ទេសរដ្ឋមន្ដ្រី គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ បានប្រាប់បណ្ដាញព័ត៌មាន ឲ្យដឹងថា រហូតមកដល់ពេលនេះ លោកកំពុងដឹកនាំក្រុមសមត្ថកិច្ចជាច្រើនអង្គភាព មានទាំងអង្គភាព៧១១ នៃកងពលតូចលេខ៧០, កម្លាំងនគរបាល, កម្លាំងកងរាជអាវុធហត្ថ និងកម្លាំងយោធា ដើម្បីសង្គ្រោះជនរងគ្រោះ។
លោកទេសរដ្ឋមន្ដ្រី គន់ គីម អះអាងថា សមត្ថកិច្ចដែលមានទាំងកម្លាំងភូមិភាគ និងកម្លាំងនគរបាល បានសង្គ្រោះជនរងគ្រោះជិតរួចចេញមកខាងក្រៅហើយ ប៉ុន្ដែមិនទាន់បានទាំងស្រុងនៅឡើយទេ។
សូមជម្រាបថា បុរសម្នាក់បានបាត់ខ្លួន៣យប់ ៤ថ្ងៃ ដោយគាបជើងជាប់ថ្មក្នុងរូងភ្នំ ក្រោយឡើងកើបអាចម៍ប្រចៀវ ហើយរអិលជើងធ្លាក់ តាំងពីថ្ងៃទី៤ ខែសីហា ឆ្នាំ២០១៩នេះ ហើយក្រុមគ្រួសារប្រទះឃើញ នៅថ្ងៃទី៧ ខែសីហានេះ។ ប៉ុន្ដែបុរសខាងលើ រហូតមកដល់ពេលនេះ មិនទាន់អាចចេញពីរូងថ្មបាននោះទេ សមត្ថកិច្ចកំពុងជួយសង្គ្រោះ។
ស្នងការដ្ឋាននគរបាលខេត្តបាត់ដំបង បានឲ្យដឹងថា រហូតដល់ម៉ោង១៨និង០០នាទី ថ្ងៃទី៧ ខែសីហា ឆ្នាំ២០១៩នេះ ជនរងគ្រោះកៀបជាប់ក្នុងរូងភ្នំ (ហុងទឹក) មិនទាន់បានជួយសង្រ្គោះឲ្យរួចផុតពីគ្រោះថ្នាក់ទាំងស្រុងនៅឡើយទេ ប៉ុន្តែក្រុមការងារជួយសង្រ្គោះនៅតែបន្តសកម្មភាពជាបន្តទៀត ទោះបីជាពេលរាត្រីបានរំកិលខ្លួន ចូលមកជិតដល់ទៅហើយក៏ដោយ។ សូមអរគុណចំពោះកិច្ចខិតខំប្រឹងប្រែងជួយសង្រ្គោះរបស់កងកម្លាំងនគរបាល នៃស្នងការដ្ឋាននគរបាលខេត្តបាត់ដំបងក្រោមការដឹកនាំបញ្ជារបស់លោក ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង។
ស្នងការដ្ឋាននគរបាលខេត្តបាត់ដំបង បានឲ្យដឹងថា រហូតដល់ម៉ោង១៨និង០០នាទី ថ្ងៃទី៧ ខែសីហា ឆ្នាំ២០១៩នេះ ជនរងគ្រោះកៀបជាប់ក្នុងរូងភ្នំ (ហុងទឹក) មិនទាន់បានជួយសង្រ្គោះឲ្យរួចផុតពីគ្រោះថ្នាក់ទាំងស្រុងនៅឡើយទេ ប៉ុន្តែក្រុមការងារជួយសង្រ្គោះនៅតែបន្តសកម្មភាពជាបន្តទៀត ទោះបីជាពេលរាត្រីបានរំកិលខ្លួន ចូលមកជិតដល់ទៅហើយក៏ដោយ។ សូមអរគុណចំពោះកិច្ចខិតខំប្រឹងប្រែងជួយសង្រ្គោះរបស់កងកម្លាំងនគរបាល នៃស្នងការដ្ឋាននគរបាលខេត្តបាត់ដំបងក្រោមការដឹកនាំបញ្ជារបស់លោក ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង។
អ្នកភូមិមានជំនឿថា ជនរងគ្រោះដែលជាប់ក្នុងកន្លៀតរូង ត្រូវបានជួយសង្គ្រោះពីកន្លែងជាប់ហើយនៅរសៀលថ្ងៃទី ៧ សីហា នេះ ប៉ុន្តែពុំទាន់ចេញមកខាងក្រៅនៅឡើយ។ តាមប្រភពពីសាច់ញាតិជនរងគ្រោះ អះអាងថា ជនរងគ្រោះបានយកកងដៃបុរាណចំនួន១០ ប្រភពខ្លះថាកងធ្វើពីថ្មកែវ ខ្លះថាធ្វើពីលង្ហិន និងឆ្អឹងបុរាណមួយចំនួនទៀតពណ៌សថ្លាដូចភ្លុកដំរី។
បងប្អូនសាច់ញាតិ និងអ្នកភូមិបានធ្វើពិធីលាបំណន់ និងសុំខមាលទោសដែលជនរងគ្រោះយកវត្ថុបុរាណទាំងនោះមកទុកនៅផ្ទះ។ ក្រោយមកលោកអភិបាលស្រុក បានកងនិងឆ្អឹងបុរាណនោះឡើងទៅខាងលើ រកកន្លែងដើមវិញ។ តាមប្រភពដដែលអះអាងថា ដំបូងឡើយ គេបានយកកងចំនួន ៩ មកធ្វើពិធីលាបំណន់ រួចក៏ស្រាប់តែដោះខ្លួនរងគ្រោះបាន តែនៅជាប់ក្បាល ក្រោយមកប្រពន្ធជនរងគ្រោះក៏នឹកឃើញនៅកងមួយទៀតដែលយកទុកនៅវត្ត ហើយក៏ទៅយកពីវត្ត មកកន្លែងពិធីទើបអាចដោះក្បាលភ្លាមតែម្ដង។ ជនរងគ្រោះរួចផុតពីគ្រោះថ្នាក់ហើយ តែមិនទាន់ចេញមកក្រៅបាន ខណៈរថយន្តពេទ្យសង្គ្រោះប្រចាំនៅខាងក្រៅត្រៀមរួចជាស្រេច។
យោងតាមបណ្តឹងរបស់ម្ដាយជនរងគ្រោះ បានមកប្ដឹងសមត្ថកិច្ចថា គាត់បានបាត់កូនឈ្មោះ បូរ៉ា អាយុ២៧ឆ្នាំ រស់នៅភូមិទឹកថ្លា ឃុំអង្គរបា នស្រុកសំពៅលូន ខេត្តបាត់ដំបង រយៈពេល៤ថ្ងៃមកហើយ។ បើតាមម្តាយជនរងគ្រោះ បានប្រាប់សមត្ថកិច្ចថា នៅថ្ងៃទី៤ ខែសីហា ឆ្នាំ២០១៩ កូនគាត់បានចេញបាត់ពីផ្ទះ ហើយមិនឃើញវិលត្រឡប់មកវិញទេ ហើយឆោឡោដើររក ទើបប្រទះឃើញជាប់ក្នុងរូងភ្នំ នៅចំណុចភ្នំហុង ស្ថិតក្នុងភូមិក្បាលហុងទឹក ឃុំបារាំងធ្លាក់ ស្រុកភ្នំព្រឹក។
បើតាមលោកអធិការស្រុកភ្នំព្រឹក នៅន្លែងកើតហេតុជនរងគ្រោះអាចនិយាយបានធម្មតា មិនទាន់សន្លប់បាត់ស្មារតីនោះទេ ហើយបានប្រាប់ថា ខ្លួនឡើងមកកើបអាចម៍ប្រចៀវ ភ្លាមនោះក៏បានជ្រុះពិល ហើយខ្លួនក៏បានដើររកពិល ក៏រអិលធ្លាក់ជាប់ក្នុងប្រឡោះថ្មតែម្ដង៕ដោយ៖បញ្ញាស័ក្តិ