ខេត្តឧត្តរមានជ័យ៖លោក ឌី រ៉ាដូ អភិបាលរងខេត្តឧត្តរមានជ័យ បានជំរុញដល់មន្ទីរព័ត៌មានខេត្ត ដើម្បីឲ្យវិស័យព័ត៌មានកាន់តែទទួលបានជោគជ័យបន្ថែមទៀត មន្ទីរព័ត៌មានត្រូវតែមានផេក ឬក៏វេបសាយ ក្នុងការផ្សព្វផ្សាយសកម្មភាពថ្នាក់ដឹកនាំ និងសកម្មភាពដែលទាក់ទងទៅនិងស្ថាប័នផ្សេងៗ នៅក្នុងខេត្តឲ្យកាន់ទូលំទូលាយ ក្នុងកិច្ចប្រជុំនិងធ្វើការសំណេះសំណាល ជាមួយមន្រ្តីមន្ទីរព័ត៌មានខេត្ត នៅថ្ងៃទី៧ ខែសីហា ឆ្នាំ២០១៩។
លោកបន្តថា មន្ទីរព័ត៌មានត្រូវរៀបចំសិក្ខាសាលា ស្តីពីការផ្តល់សេវាវិស័យព័ត៌មាន ដែលប្រតិភូកម្មមកឱ្យខេត្តក្នុងខែកញ្ញាខាងមុខ ដល់អ្នកពាក់ព័ន្ធ ជាពិសេសបងប្អូនដែលធ្វើអាជីវកម្មក្នុងខេត្ត ។
លោក ក៏បានសំណូមពរឲ្យមន្ទីរព័ត៌មានខេត្តឧត្ដរមានជ័យ ត្រូវរៀបថំឱ្យមានស្ថិតិចំនួនសារព័ត៌មានក្នុងខេត្ត ក្នុងការផ្តល់សេវាលើវិស័យព័ត៌មាន និងបញ្ហាប្រឈមក្នុងការអនុវត្តការងារកន្លងមក និងគួរមានកិច្ចប្រជុំយ៉ាងហោចណាស់បីខែម្តងផងដែរ៕ដោយ៖កូឡាប