កោះកុង ៖ ស្នងការដ្ឋាននគរបាលខេត្តកោះកុងបានឲ្យដឹងថា នៅថ្ងៃទី ០៧ សីហា ២០១៩ វេលាម៉ោង ១៧និង០០ ល្ងាច មានគ្រោះអគ្គីភ័យកើតឡើង នៅចំណុចមុខប្រៃសណីយ៍ ផ្លូវឡើងផ្សារស្រែអំបិល ស្ថិតក្នុងភូមិត្រពាំង ឃុំស្រែអំបិល ស្រុកស្រែអំបិល បណ្តាលឲ្យឆេះខូចខាតផ្ទះប្រជាពលរដ្ឋចំនួន ២ ខ្នង ឆេះខូចខាតទាំងស្រុង ដោយម្ចាស់ផ្ទះមិននៅ ចាក់សោរចោល។
នគរបាលខេត្តកោះកុងបានឲ្យដឹងថា ផ្ទះទី១ ធ្វើអំពីឈើ ប្រក់ស័ង្កសី ទំហំ ៣m x ៥m ជារបស់ប្រជាពលរដ្ឋឈ្មោះ ហុង ឈីវ ភេទស្រី អាជីវកម្មដាក់ធ្មេញ និងផ្ទះទី ២ ធ្វើអំពីឈើ ប្រក់ស័ង្កសី ទំហំ ៣m x ៥m ជារបស់ប្រជាពលរដ្ឋឈ្មោះ ហាន ណាវី ភេទស្រី អអាជីវកម្មលក់កុងម៉ា។
នៅពេលកើតហេតុ កម្លាំងអធិការដ្ឋាននគរបាលស្រុកស្រែអំបិល បានសហការ ជាមួយកម្លាំងពាក់ព័ន្ធ ធ្វើការពន្លត់អគ្គីភ័យ ដើម្បីទប់ស្កាត់កុំឲ្យឆេះរាលដល់ផ្ទះប្រជាពលរដ្ឋផ្សេងទៀត ដោយក្នុងហេតុការណ៍នេះ មិនបណ្តាលឲ្យមានគ្រោះថ្នាក់ ដល់មនុស្សឡើយ៕ ដោយ ៖ កូឡាប
