ឆ្នាំជូត
រាសីខ្ពស់ត្រដែត ។ ការងារ ល្អបំផុត គ្រប់យ៉ាងសម្រេចបានដូចបំណង ។ លុយកាក់ ចម្រុងចម្រើន មានអ្នកជួយជ្រោមជ្រែងអំពីលុយកាក់ ។ អ្នកដែលរកស៊ីជួញលោកអ្នកមិនត្រូវមានចិត្តលោភលន់ហួសប្រមាណហើយមានការរំលោភបំពានលើអ្នកដទៃប្រយ័ត្នឥតការអ្វីសោះនាំរឿងរ៉ាវមកអំពល់ទុក្ខ ។
រីឯមនោសញ្ចេតនា ស្នេហាកម្លោះក្រមុំ ឬពោះម៉ាយមេម៉ាយក្តីបើចង់ទំនាក់ទំនងក្នុងបញ្ហាអ្វីមួយតែងទទួលដំណឹងល្អជាអាក្រក់ផងដែរ ។
ឆ្នាំឆ្លូវ
រាសីខ្ពស់ត្រដែត។ ថ្ងៃនេះបើលោកអ្នកធ្វើអ្វីតែងសម្រេចជោគជ័យនិងមានភាពរលូនផង ។ អ្នកប្រកបរបររកស៊ីជួញដូរប្រាក់កាសដែលធ្លាប់តែបោលហួសឬហោះរំលងពេលនេះអាចឈោងចាប់បានខ្លះៗវិញហើយ ។ ក្រៅពីនេះបើលោកអ្នកធ្វើដំណើរទីជិតឆ្ងាយ គឺមានតែក្រុមមនុស្សស្វាគមន៍រាក់ទាក់និងអាណិតស្រឡាញ់ជានិច្ច ។
រីឯមនោសញ្ចេតនា សេចក្តីស្នេហាកម្លោះក្រមុំបើលោកអ្នកមានជម្លោះវិវាទហើយចង់ធ្វើការដោះស្រាយជាពេលវេលាល្អប្រពៃបំផុត៕
ឆ្នាំខាល
រាសីស្រុតចុះ ។ ការងារ មិនត្រូវធ្វើអ្វីប្រញាប់ប្រញាល់ជ្រុលនាំឲ្យមានកំហុស ។ លុយកាក់ មិនល្អ មិនត្រូវជឿទុកចិត្តអ្នកដទៃ ។ ចំពោះអ្នកប្រកបរបររកស៊ីជួញដូរលោកអ្នកមិនគប្បីមានចិត្តឆាប់ប្រកែប្រកាន់ ឬចិត្តច្រណែនឈ្នានីសលោភលន់ច្រើនប្រយ័ត្នការអ្វីសោះយករឿងរ៉ាវក្តៅក្រហាយដាក់ខ្លួនមានតែរឿងរ៉ាវអាក្រក់កើតឡើង ។
រីឯមនោសញ្ចេតនា ស្នេហាកម្លោះក្រមុំកុំគប្បីជ្រួលជ្រើមតាមមិត្តភក្តិប្រយ័ត្នរែកពុនទុក្ខសោកមកវិញគ្មាននរណាជួយកើត ៕
ឆ្នាំថោះ
រាសីល្អជាមធ្យម ។ ការងារ ត្រូវថ្លឹងថ្លែងឲ្យម៉ត់ចត់មុនពេលធ្វើការសម្រេចចិត្តអ្វីមួយក្នុងការងារ ។ លុយកាក់ ជាថ្ងៃដ៏ល្អសម្រាប់ការស្វែងរកឱកាសបង្កើនថែមចំណូល ។ សម្រាប់អ្នកប្រកបរបររកស៊ីជួញដូរក្នុងអំឡុងពេលនេះមុជមិនជ្រៅទៅមិនឆ្ងាយប៉ុន្មានទេ ហើយទាល់តែខិតខំខ្លាំងទើបសម្រេចកិច្ចការធំៗទៅរួច។
រីឯមនោសញ្ចេតនា សេចក្តីស្នេហាប្រុសស្រីមានការងាយថយក្រោយប៉ុន្តែពិបាករុលទៅមុខហើយបើមានជម្លោះវិវាទផងងាយបាក់បែកណាស់ ៕
ឆ្នាំរោង
រាសីស្រុតចុះ ។ ការងារ គ្រប់យ៉ាងមិនដំណើរការកម្រោង ។ លុយកាក់ មិនគួរបោះទុនវិនិយោគ ។ ចំពោះអ្នករកស៊ីជួញដូរវិញការចេញធ្វើជំនួញផ្លូវឆ្ងាយចូរប្រយ័ត្នគ្រោះចាញ់បោកគេនិងគ្រោះបាត់របស់របរ។ ការធ្វើដំណើរគ្រប់ទិសទីចូរកុំគប្បីបង្កជម្លោះវិវាទជាមួយអ្នកដទៃបើពុំនោះនាំខាតបង់អ្វីមួយមកវិញ ។
រីឯមនោសញ្ចេតនា ស្នេហាកម្លោះក្រមុំពុំមានការរីកលូតលាស់ទៅមុខទេ គឺមានការថយក្រោយច្រើនជា ៕
ឆ្នាំម្សាញ់
រាសីខ្ពស់ត្រដែត ។ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារ ឬធ្វើអ្វីមួយតែងសម្រេចជោគជ័យត្រឡប់មកវិញផង ។ អ្នកប្រកបរបររកស៊ីជួញដូរក្នុងថ្ងៃនេះដែរផ្តល់ផលល្អចំពោះការចរចាការបណ្តាក់ទុនឬចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេ តែនៅឆាប់រីកដុះដាលឈានទៅមុខទៀតផង។
រីឯមនោសញ្ចេតនា ស្នេហាកម្លោះក្រមុំមានការផ្អែមល្ហែមគួរសមនិងពេលនេះកំពុងផ្តល់ផលល្អបំផុតសម្រាប់ការរៀបចំផ្សំផ្គុំគ្រួសារ ៕
ឆ្នាំមមី
រាសីស្រុតចុះ ។ ការងារ ត្រូវប្រមូលផ្តុំក្នុងការងារ កុំធ្វេសប្រហែសនាំឲ្យជួបរឿងស៊យ ។ លុយកាក់ មានបន្ថែមខ្ទង់ចំណូលតិចតួច ចំណាយច្រើនជាងចំណូល ។ ចំណែកអ្នកប្រកបរបររកស៊ីជួញដូរវិញ លាភតូចធំពុំសូវមានសម្បូរទេ ព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ ។ ការធ្វើដំណើរទីជិតឆ្ងាយចូរប្រយ័ត្នទិសឧត្តរបន្តិច ព្រោះងាយជួបឧប្បត្តិហេតុយាយីបន្តិច ។
រីឯមនោសញ្ចេតនា ស្នេហាកម្លោះក្រមុំមានការឆាប់ទាំងប្រេះឆាហើយក៏ឆាប់ត្រូវគ្នាវិញដែរ៕
ឆ្នាំមមែ
រាសីស្រុតចុះ ។ ការងារ ប្រយ័ត្នមានសត្រូវក្នុងការងារប៉ងឈ្នានីសអ្នក ។ លុយកាក់ ស្ត្រីមេផ្ទះមិនស្ថិរភាពត្រូវចេះគ្រប់គ្រងលុយកាក់ឲ្យបានល្អ ។ ចំពោះអ្នកប្រកបរបររកស៊ីជួញដូរត្រូវចេះមានគំនិតផ្តួចផ្តើមរបរថ្មីៗបន្ថែមទៀត ឬរកប្រាក់ចំណូលបន្ថែមទើបជាការប្រសើរ ។ ការធ្វើដំណើរទីជិតឆ្ងាយពុំសូវមានសុវត្ថិភាពទេ គួរបន្ថែមការប្រុងប្រយ័ត្ន ។
រីឯមនោសញ្ចេតនា សេចក្តីស្នេហាប្រុសស្រីមានការរកាំចិត្តនិងប្រឆាំងគ្នាច្រើនគប្បីមានការចេះអត់ឱនឲ្យគ្នាបន្តិច ទើបមានភាពសុខដុមជាងនេះ៕
ឆ្នាំវក
រាសីល្អជាមធ្យម ។ ការងារ មិនល្អ ជួបការលំបាក ឧបសគ្គច្រើន ។ លុយកាក់ ថ្ងៃនេះមិនជួបសំណាងល្អក្នុងការរកប្រាក់ ។ សម្រាប់អ្នកប្រកបរបររកស៊ីជួញដូរវិញមានការរីកលូតលាស់ទៅមុខគួរសមហើយបើចង់ទិញទំនិញអ្វីមួយយូរមកហើយគ្រាន់ទុកជាការជួញដូរទៅថ្ងៃមុខក៏ជាឱកាសល្អផងដែរ ។
រីឯមនោសញ្ចេតនា ស្នេហាកម្លោះក្រមុំបើលោកអ្នកពុំទាន់មានគូគាប់ ពេលនេះអាចជួបដូចគាប់បំណងផង៕
ឆ្នាំរកា
រាសីខ្ពស់ត្រដែត ។ ការងារ ការងារ អំណោយផលល្អគ្រប់យ៉ាង ទោះធ្វើអ្វីក៏សម្រេចដូចបំណង។ លុយកាក់ ល្អប្រសើរ មានបន្ថែមប្រាក់ចំណេញពីការវិនិយោគ ។ ចំពោះអ្នកប្រកបរបររកស៊ីជួញដូរពេលនេះប្រៀបដូចជាភ្លៀងធ្លាក់មួយមេមេឃស្រឡះ ព្រោះអាចកម្ចាត់រាល់ឧបសគ្គចង្រៃទាំងពួងឲ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងឡើងវិញ ។ ការធ្វើដំណើរឆ្ងាយជិតជួបភាពសុខដុមដូចសព្វមួយដង ។
រីឯមនោសញ្ចេតនា ស្នេហាស្រីប្រុសមានការជឿនលឿនទៅមុខ និងកំពុងមានភាពស្រស់ស្រាយប្រពៃណាស់៕
ឆ្នាំចរ
រាសីស្រុតចុះ។ ការងារ មិនត្រូវមានះរឹងរូស គួរស្តាប់យោបល់អ្នកជុំវិញខ្លួន ។ លុយកាក់ មិនស្ថិរភាព ត្រូវចេះគ្រប់គ្រងលុយកាក់ឲ្យបានល្អ ។ សម្រាប់អ្នកប្រកបរបររកស៊ីជួញដូរវិញលោកអ្នកមិនត្រូវយកភាពច្រណែនឈ្នានីសដាក់ចំពោះមុខ ឬបង្ករឿងថ្នាំងថ្នាក់ចំពោះអ្នកដទៃប្រយ័ត្នកើតឧបទ្រពចង្រៃការលក់ដូរកាន់តែមិនដាច់ ។
រីឯមនោសញ្ចេតនា ស្នេហាកម្លោះក្រមុំមានការឆាប់ប្រេះឆាហើយក៏ឆាប់ត្រូវគ្នាវិញដែរ ៕
ឆ្នាំកុរ
រាសីល្អជាមធ្យម ។ ការងារ រីកចម្រើនគួរជាទីពេញចិត្ត ។ លុយកាក់ ប្រយ័ត្នក្នុងការគ្រប់គ្រងលុយកាក់ បញ្ចៀសធ្លាក់ក្នុងស្ថានភាព “ក្ស័យធន” ។ សម្រាប់អ្នកប្រកបរបររកស៊ីជួញដូរជួបផលលំបាកក្នុងការរកផលចំណូលបន្តិចព្រោះលាភច្រើនបោលហួសចាប់ពុំសូវជាប់ទេ ហើយបើលោកអ្នកប្រឡងប្រជែងតម្លៃទៀតនោះចូរប្រយ័ត្នកើតជម្លោះវិវាទឈានពីតូចតាចដល់ធំ ។
រីឯមនោសញ្ចេតនា កម្លោះក្រមុំឬពោះម៉ាយមេម៉ាយក្តីកុំលេងម៉េះម៉ោះច្រើន នាំកើតជម្លោះវិវាទហើយមានតែរឿងរ៉ាវសៅហ្មងដាក់គ្នា ៕