កណ្តាល៖ នគរបាលស្រុកមុខកំពូល បានចាប់បុរសម្នាក់ជាឪពុកចុង ករណីរំលោភសេពសន្ថវៈ លើកូនដើមជាច្រើនលើក ដែលកើតហេតុថ្ងៃទី០៨សីហា២០១៩វេលាម៉ោង០២និង៣០នាទីចំណុចលើផ្ទះជនសង្ស័យក្នុងឡឥដ្ឋ ផាច លាងស្រេង ភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្តាល ។
ជនរងគ្រោះឈ្មោះ គ.ស ភេទស្រី អាយុ១៥ឆ្នាំ ជនជាតិខ្មែរ(កូនចុងជនសង្ស័យ) មុខរបរ នៅផ្ទះរស់នៅភូមិ-ឃុំកើតហេតុ ។ ជនសង្ស័យឈ្មោះ អាត ផាន់ ភេទប្រុស អាយុ៣៩ឆ្នាំ ជនជាតិខ្មែរ(ឪពុកចុងជនរងគ្រោះ) មុខរបរ កម្មករឡឥដ្ឋរស់នៅភូមិ-ឃុំកើតហេតុ (ឃាត់ខ្លួន) ។
នគរបាលប្រាប់ពីសភាពនៃរឿងហេតុ៖ កន្លងមកជនសង្ស័យធ្លាប់ធ្វើសកម្មភាពរំលោភសេពសន្ថវៈលើជនរងគ្រោះចំនួន០៣ដងមកហើយនៅថ្ងៃមិនចាំក្នុងខែឧសភា,មិថុនា,និងខែកក្កដាឆ្នាំ២០១៩តែជនរងគ្រោះមិនហ៊ានប្រាប់ម្តាយ ដោយខ្លាចជនសង្ស័យសម្លាប់ ។ លុះមកដល់ថ្ងៃទី០៧ សីហា២០១៩វេលាម៉ោង១៨និង០០ នាទីជនសង្ស័យបានអង្គុយផឹកស្រាសជាមួយមិត្តភក្តិនៅក្រោមផ្ទះរហូតដល់ម៉ោង២០និង០០នាទីជនសង្ស័យក៏ឈប់ផឹកស្រា ឡើងមកហូបបាយជាមួយប្រពន្ធ កូន ។ ក្រោយពីហូបបាយរួចម៉ោង២០និង៣០នាទី ប្រពន្ធជនសង្ស័យបានចងមុងដេកជាមួយកូន ពេលនោះជនសង្ស័យដេកលើអង្រឹងក្រៅមុងក្នុងផ្ទះមើលទូរទស្សន៍រហូតដល់ម៉ោង០២និង៣០នាទី ថ្ងៃទី០៨សីហា២០១៩ ជនសង្ស័យបានក្រោកពីអង្រឹងទៅផឹកទឹក រួចមកក៏បិទភ្លើង និង បិទទូរទស្សន៍ដេកក្បែរជើងមុងជិតជនរងគ្រោះដោយយកដៃស្ទាបអង្អែលសក់ជនរងគ្រោះលេង បន្ទាប់មកទាញត្រគាកជនរងគ្រោះអោយដេកផ្ងារ ហើយយកដៃស្ទាបប្រដាប់ភេទនិងស្រាតខោជនរងគ្រោះ រួចធ្វើសកម្មភាពរំលោភជនរងគ្រោះ តែមិនបានសម្រេចទេ ដោយម្តាយជនរងគ្រោះដឹងខ្លួនទាន់ ។
លុះព្រឹកឡើងម៉ោង ០៦និង០០នាទី ម្ដាយជនរងគ្រោះបានមកដាក់ពាក្យបណ្ដឹងនៅប៉ុស្តិ៍ព្រែកអញ្ចាញ ។ ក្រោយពីទទួលបណ្ដឹងរួចសមត្ថកិច្ចប៉ុស្តិ៍បានទៅនាំខ្លួនជនសង្ស័យមកសាកសួរ ជនសង្ស័យឆ្លើយសារភាពថាខ្លួនពិតជាបានរំលោភសេពសន្ថវ:លើជនរងគ្រោះចំនួន០៤លើកពិតប្រាកដមែន។
ករណីនេះផ្នែកជំនាញនិងប៉ុស្តិ៍កំពុងបន្តចាត់ការតាមនីតិវិធី៕ ដោយ៖កូឡាប