រដ្ឋមន្ត្រីការពារជាតិអាមេរិច Mark Esper នឹងជួបពិភាក្សាជាមួយនឹងមេដឹកនាំកូរ៉េខាងត្បូងនៅថ្ងៃសុក្រ ក្រោយពេលមានបញ្ហាប្រឈមកើតឡើងយ៉ាងច្រើនក្នុងតំបន់ ដូចជាភាពតានតឹងរវាងកូរ៉េខាងត្បូង និងជប៉ុន និងបញ្ហាដែលកូរ៉េខាងត្បូងត្រូវបង់ថ្លៃការពារសម្រាប់វត្តមានរបស់ទ័ពអាមេរិចនៅទីនោះ។
រដ្ឋមន្ត្រីការពារជាតិខាងលើបានធ្វើដំណើរដល់កូរ៉េខាងត្បូងនៅល្ងាចថ្ងៃព្រហស្បតិ៍ ក្រោយពេលមានភាពតានតឹងរវាងទីក្រុងតូក្យូ និងសេអ៊ូល ដែលប្រទេសទាំងពីរជាសម្ព័ន្ធមិត្តដ៏ស្និទរបស់អាមេរិច។ នេះគឺជាការធ្វើដំណើរទស្សនៈកិច្ចអន្តរជាតិលើកទី ១របស់លោក ចាប់តាំងពីលើកបានឡើងធ្វើរដ្ឋមន្ត្រីការពារជាតិមក។
នៅពេលជួបប្រជុំជាមួយនឹងមេដឹកនកូរ៉េខាងត្បូង លោករដ្ឋមន្ត្រីការពារជាតិ Mark Esper ទំនងជាប្រាប់ឲ្យប្រទេសកូរ៉េខាងត្បូង និងជប៉ុនកាត់បន្ថយភាពតានតឹងជាមួយគ្នា និងផ្តោតលើបញ្ហាប្រឈមដែលបង្កើតឡើងដោយកូរ៉េខាងជើង និងចិន។
ការមកដល់របស់លោក Mark Esper កើតឡើងតែមួយថ្ងៃប៉ុណ្ណោះ ក្រោយពេលប្រធានាធិបតីអាមេរិច ដូណាល់ ត្រាំ និយាយថា ប្រទេសកូរ៉េខាងត្បូងយល់ព្រៀមបន្ថែមលុយច្រើនជាងមុន សម្រាប់ការឈរជើងរបស់ទាហ៊ានអាមេរិចចំនួន ២៨,៥០០នាក់នៅទីនោះ ហើយបញ្ហានោះនឹងត្រូវពិភាក្សា។
ប៉ុន្តែអ្នកនាំពាក្យក្រសួងការបរទេសកូរ៉េខាងត្បូង បានថ្លែងប្រាប់អ្នកសារពត៌មានថា ការចរចារនៅមិនទាន់បានចាប់ផ្តើមនៅឡើយទេ។
សូមបញ្ជាក់ថា កូរ៉េខាងជើងកំពុងបង្កើតបញ្ហាប្រឈមជាច្រើនអនេកនៅក្នុងតំបន់ បន្ទាប់ពីរបបកុម្មុនិស្តនេះបានធ្វើការបាញ់សាកល្បងមីស៊ីលរហូតដល់ទៅ ៤ដងក្នុងរយៈពេលមិនដល់ ២សប្តាហ៍។ ទីក្រុងព្យុងយ៉ាងធ្លាប់ប្រកាសថា ការបាញ់មីស៊ីលរបស់ខ្លួនគឺដើម្បីផ្ញើសារព្រមានកូរ៉េខាងត្បូង ដែលបានចាប់ផ្តើមធ្វើសមយុទ្ធរួមគ្នឡើងវិញជាមួយនឹងអាមេរិច។
កូរ៉េខាងជើងតែងថ្កោលទោសសមយុទ្ធរួមគ្នារវាងអាមេរិច និងកូរ៉េខាងជើង ដោយបានចាត់ទុកសមយុទ្ធនោះថា ជាការហ្វឹកហាត់សមដើម្បីត្រៀមខ្លួនឈ្លានពានកូរ៉េខាងជើង៕
អត្ថបទប្រែសម្រួលដោយ៖ សុភ័ក្រ
ប្រភព៖ channelnewsasia