អ្នកស្រី Maryam Nawaz Sharif ដែលជាអ្នកនយោបាយឈានមុខគេមកពីបក្សប្រឆាំង ក្នុងប្រទេសប៉ាគីស្ថាន ត្រូវបានចាប់ខ្លួនដោយអាជ្ញាធរប្រឆាំងអំពើពុករលួយប៉ាគីស្ថាន។ នេះបើតាមការចេញផ្សាយរបស់ BBC។
អ្នកស្រី Maryam Nawaz Sharif ត្រូវបានចាប់ឃុំខ្លួន នៅពេលដែលគាត់បានសួរសុខទុក្ខឪពុករបស់គាត់នៅពន្ធធនាគារ។ ឪពុកអ្នកស្រីគឺជាអតីតនាយករដ្ឋមន្ត្រី ៣អាណិត្ត ហើយត្រូវបានកាត់ទោសឲ្យជាប់គុករយៈពេល ៧ឆ្នាំពីបទពុករលួយ កាលពីឆ្នាំ ២០១៧។
ការិយាល័យទទួលខុសត្រូវលើកិច្ចការជាតិ (NAB) របស់ប៉ាគីស្ថាន បានឲ្យដឹងថា អ្នកស្រី Maryam Nawaz Sharif ត្រូវបានចាប់ខ្លួនដោយសារជាប់ពាក់ព័ន្ធនឹងការលាងលុយកខ្វក់ ដែលអាជ្ញាធរកំពុងស៊ើបអង្កេត។
គណបក្សប្រឆាំងរបស់គាត់ឈ្មោះ PML-N បានហៅការចាប់ខ្លួននោះថា ជាហេតុផលនយោបាយ។ បងប្អូនជីដូនមួយរបស់អ្នកស្រីក៏ត្រូវបានចាប់ខ្លួនជាមួយគ្នាដែរ ហើយអ្នកទាំងពីរនឹងត្រូវឡើងតុលាការនៅថ្ងៃសុក្រ។
NAB បានថ្លែងក្នុងសេចក្តីប្រកាសថា ស្ថាប័នប្រឆាំងអំពើពុករលួយបាននិយាយថា អ្នកស្រី Maryam Nawaz Sharif ត្រូវឃុំខ្លួនដោយសារជាប់ពាក់ព័ន្ធនឹងអំពើពុករលួយ ទាក់ទងទៅនឹងរោងចក្រផលិតទឹកដោះគោដែលគ្រប់គ្រងដោយគ្រួសារ Sharif របស់គាត់។
សូមបញ្ជាក់ថា អ្នកស្រី Maryam Nawaz Sharif បានដឹកនាំការប្រមូលផ្តុំជាច្រើនក្នុងរយៈពេលប៉ុន្មានសប្តាហ៍នេះ ហើយគឺជាអ្នករិះគន់ឥតសំចៃម្នាក់របស់នាយករដ្ឋមន្ត្រីប៉ាគីស្ថាន Imran Khan និងយោធាដ៏មានអំណាច៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC