ភ្នំពេញ ៖ លោកហង់ជួន ណារ៉ុនរដ្ឋមន្ត្រីក្រសួងអប់រំយុវជន និង កីឡានិងជាប្រធានខេមរសហព័ន្ធតេក្វាន់ដូបានអះអាងថា នឹងបង្កើតឲ្យមាន បរិញ្ញាប័ត្រតេក្វាន់ដូនៅ វិទ្យាស្ថានជាតិអប់រំកាយ និង កីឡា។
ពិធីចុះហត្ថលេខាលើអនុស្សរណៈយោគយល់គ្នារវាងក្រសួងអប់រំ យុវជន នឹងកីឡា និងសមាគមន៍តៃក្វាន់ដូសាធារណរដ្ឋកូរ៉េ ស្តីពី កិច្ចសហប្រតិបត្តិការវិស័យអប់រំ ផ្នែកកីឡាតៃក្វាន់ដូរនៅប្រទេសកម្ពុជា ក្នុងគោលបំណងដើម្បីពង្រីកវិស័យកីឡា ផ្នែកតៃក្វាន់ដូ ដោយមានការជួយគាំទ្រពីសមាគមន៍តៃក្វាន់ដូរកូរ៉េ ក៏ដូចជាការផ្លាស់ប្តូរបច្ចេកទេសពីគ្នាទៅវិញទៅមក។
ពិធីចុះហត្ថលេខាលើអនុស្សរណៈយោគយល់នាពេលនេះត្រូវបានប្រារព្ធឡើងក្រោមអធិបតីភាព លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ជាមួយលោក Kim Kyung Duk ប្រធានសមាគមន៍តៃក្វាន់កូរ៉េ នាព្រឹកថ្ងៃអាទិត្យ ១១ សីហា នៅទីស្តីការក្រសួងអប់រំ យុវជន និងកីឡា។
លោកហង់ជួន ណារ៉ុនបន្តថា អនាគតនឹងបង្កើឲ្យមាន បរិញ្ញាប័ត្រតរក្វាន់ដូនៅកម្ពុជា ដោយសិក្សារយៈ៤ឆ្នាំ ។បន្ទាប់ពិបញ្ចប់បរិញ្ញាប័ត្រពួកគេ នឹងចុះទៅធ្វើការតាមបណ្ដាខេត្តពេលនោះ វិសាលភាពតេក្វាន់ដូនៅកម្ពុជា នឹងកាន់តែទូលំទូលាយ ។សព្វថ្ងៃនេះតេក្វាន់ដូ កំពុងតែរីកចម្រើនខ្លាំង នារាជធានីភ្នំពេញ បន្តិចទៀតទាំង២៥រាជធានី ខេត្តក៏នឹងរីកចម្រើន ដូចរាជធានីភ្នំពេញដែរហើយ ។
សព្វថ្ងៃនេះ នៅវិទ្យាស្ថានជាតិអប់រំកាយ និង កីឡាបណ្ដុះបណ្ដាល ត្រឹមតែ២ឆ្នាំប៉ុណ្ណោះដែលមួយឆ្នាំៗ បណ្ដុះបណ្ដាល១៥០នាក់ បន្តិចទៀត បណ្ដុះបណ្ដាល៤ឆ្នាំ គឺកម្រិតបរិញ្ញាប័ត្រតែម្ដង ។
លោក Kim Kyung duk បានឲ្យដឹងដែរថា ក្នុងអម្លុងដែលលោកស្នាក់ នៅកម្ពុជាលោកបានចុះទៅដល់ខេត្ត
មួយចំនួនដូចជាកំពង់ឆ្នាំង ក្រចេះ កំពង់ស្ពឺ កំពង់ធំឃើញថា តេក្វាន់ដូនៅទីនោះ កំពុងតែមានសកម្មភាពល្អប្រសើរ ៕ ដោយ៖កូឡាប